Аҧсны Аҳәынҭқарра Ахада

 

Ахада иажәахәқәа

01.06.2018

Ахада аҭынчратә митинг аҿы дықәгылеит Шьамтәылатәи Арабтә Республика ажәлар адгылара рыҭаны

Ахада аҭынчратә митинг аҿы дықәгылеит Шьамтәылатәи Арабтә Республика ажәлар адгылара рыҭаны

Рашәарамза 1 азы Аҧсны Аҳәынҭқарра Ахада Рауль Ҳаџьымба аҭынчратә митинг аҿы дықәгылеит Шьамтәылатәи Арабтә Республика ажәлар адгылара рыҭаны.

***
Ҳаҭыр зқәу ҳашьцәа, ҳаҳәшьцәа! Ҳаҭыр зқәу ҳауаажәлар, ҳаҭыр зқәу Шьамтәылатәи ҳашьцәа иахьа ара иҟоу, арахь ихынҳәыз, араҟа ҿыц аҧсҭазаара аиҭашақәыргылара иалагаз!

Сгәы иаанагоит ари азхаҵара даараӡа аҵак ду змоу усны иҟалеит ҳәа. Избан акәзар Шьамтәыла адгьыл иахнагахьоу маҷӡам. Аҭоурых ду иадҳәаланы уахәуаҧшуазар Шьамтәыла аҳәынҭкарра арегион аҿы аҵак дуӡӡа аман.

Аҵыхәтәантәи ашықәсақәа рзы Европа аҳәынҭқарра дуқәеи, Америки ирҿагыланы иқәҧо аҳәынҭқарра имшәа-имырҳа ҳара ҳазхаҵара рылшеит.

Ибзиаӡаны ижәдыруеит Урыстәыла ҳара ҳаназхарҵаз иахҭыргаз.

Иахьа аибашьра ишалагылоугьы Аҧсны азхаҵара дара рганахьала даараӡа гәаӷьра дуун ҳәа сгәы иаанагоит.

Ҳаҧхьаҟа ишьҭоуп азҵаара дуқәа, ҳаизыҟазаашьақәа рышьақәыргылара, реиқәыршәара. Уи мариаӡам, аха агәраганы сыҟоуп, уахьгьы, арахьгьы ари знапы иану ауаа ибзианы аус шадыруло. Хара имгакәа Шьамтәыла аиҳабыреи ҳареи ҳаиқәшәара ҟалоит ҳәа сгәы иаанагоит. Иҟоуп ахырхарҭақәа ҳахьеидгылаша, ҳаиҩызара иҵегьы инацҵаны, инарҭбааны
аус ахьеицаҳуша, уи адгьыл иқәынхо ҳмилаҭ Аҧсынра иазааигәахартә еиҧш.

Схырхәоит аишьцәа Маршьанаа рҿаҧхьа. Иахьа дыҟаӡам Уалид, аха иара, иашьцәа, аишьцәа Кәыџбақәа, егьырҭ ҳаҧсуа хылҵшьҭрақәа иҟарҵаз иабзоуроуп иахьатәи абри аҭагылазаашьа.

Имариаӡамызт Урыстәылазы арҭ аусқәа рыӡбара. Даараӡа ирацәаӡан иаҧырхагаз, аха иҳадгылан, иҳацныҟәан, иалдыршаз усуп ари аҭагылазаашьа.

Ара иҳәатәуп ҳара ҳусбарҭақәагьы ирылшаз шмаҷым, аусқәа алҵшәа роуртә еиҧш иҟазҵаз зегьы ҭабуп ҳәа расҳәоит.

Абзиарақәа ҳамазааит, абзиарақәа ҳзыҧшызааит ҳаҧсадгьыл аҿы! Иаҭахуп аидгылара, аицныҟәара, аизыӡырыҩра.
Аихьӡара ҿыцқәа ҳаурц азы иҵегьы аҭагылазаашьақәа раҧҵара ҳалшароуп

Иҭабуп идуӡӡаны!



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT