Аҧсны Аҳәынҭқарра Ахада

 

Ахада иажәахәқәа

28.05.2018

Аҧсны Ахада Урыстәылатәи Афедерациа Афедералтә шәарҭадара амаҵзура Аҳәаахьчаратә усбарҭа 100 шықәса ахыҵра иазкыз амитинг аҟны иқәгылара

Аҧсны Ахада Урыстәылатәи Афедерациа Афедералтә шәарҭадара амаҵзура Аҳәаахьчаратә усбарҭа 100 шықәса ахыҵра иазкыз амитинг аҟны иқәгылара

Лаҵарамза 28 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Афедералтә шәарҭадара амаҵзура Аҳәаахьчаратә усбарҭа 100 - шықәса ахыҵра иазкыз аныҳәатә митинг аҟны дықәгылеит.

***

 

Ҳаҭыр зқәу аибашьцәа-аҳәаахьчаҩцәа!

Ҳаҭыр зқәу аҩызцәа аофицерцәа!

 

 Урыстәылатәи Афедерациа аҳәаа ахьчара аҧҵара аҭоурых – ари, аиашазы, иаацқьаны ашәышықәса аҩныҵҟа Аҧсадгьыл аҳәаақәа рыхьчаразы игылаз иаадырҧшыз афырхаҵареи, агәымшәареи, апрофессионализм ҳараки ирышықәҧхьаӡараны иҟоуп.

Аҳәаахьчаратә маҵзура уснагӡатә хаданы иҟан, ус иагьаанхоит – аҳәынҭқарра аҳәаахьчаратә политика анагӡара, иеиҿкаау ацәгьоура, аконтрабанда, изакәаным амиграциа, изакәаным абџьар еикәшара, арҩышьыгатә маҭәашьарқәа рҿагылареи егьырҭ афункциақәеи рынагӡара.

2008 ш. Урыстәылатәи Афедерациа иазханаҵаз Аҧсны Аҳәынҭқарра иахьатәи аҭоурых аҿы аҭыҧ ҷыда ааннакылоит 2009 ш. мшаҧымза 30 рызтәи Аиқәшаҳаҭра. Абри амш азы Урыстәылеи Аҧсни р-Хадацәа рнапы аҵарҩит Аҧсны Аҳәынҭқарра аҳәаа аицыхьчаразы Аиқәшаҳаҭра.  Астратегиатә ҵакы ду змоу ари ауснагӡатә анагӡаразы Аҧсны Аҳәынҭқарраҟны иаҧҵан Урыстәыла Афедералтә шәарҭадара амаҵзура Аҳәаахьчаратә усбарҭа, уи ахы иаднаҵеит 365 км инареиҳаны аҳәынҭқарратә ҳәаа ахьчара. Ҳҳәынҭқарра аҳәаа ахьчаразы игылаз УА Афедералтә шәарҭадара амаҵзура аусзуҩцәеи Аҧсны аҳәынҭқарра Аҳәынҭқарратә шәарҭадара амаҵзуреи, егьырҭ азинхьчаратә усбарҭақәеи русеицурала ҳтәыла акзаара, аҳәаа аицамкра алдыршоит.

Урыстәылатәи аҧснытәи аҳәаахьчаҩцәа гәымшәақәа иарбанзаалак агрессиаки атерроризми ҕәҕәала иаҿагылоит. Ҳара ҳрызгәдууп Аҧсны Аџьынџьтәылатә еибашьраҟни уи ашьҭахьтәи аамҭа хьанҭақәа раани иӡрыжәхаз ҳҳәаахьчаҩцәа, иахьа аиҩызаратә Урыстәыла аҟнытә рҩызцәа аибашьҩцәеи дареи ҳ-Аҧсадгьыл ахьчаразы игылоуп.

Шәара шәфырхаҵара, шәычҳара, шәыпрофессионализм Аҧсны жәлар зегьы раҳаҭырқәҵара иаҧсоуп.

Гәык-ҧсыкала ишәыдысныҳәалоит Аҳәаахьчаҩ имш, ахәаахьчаратә архәҭақәа раҧҵара 100 шықәса ахыҵра. Ишәзеиҕьасшьоит имҩаҧыжәго амаҵураҟны аихьӡарақәа, аҭынчра, аманшәалара лыҧхазмоу аҧсуа дгьыл аҟны!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT