Аҧсны Аҳәынҭқарра Ахада

 

Ахада иажәахәқәа

08.06.2018

Ахада Урыстәыла Амш инамаданы иқәгылара

Ахада Урыстәыла Амш инамаданы иқәгылара

Рашәарамза 8 рзы Аҧсны Аҳәынҭқарра Ахада Рауль Ҳаџьымба Аҧсны Аҳәынҭқарраҟны иҟоу Урыстәылатәи Афедерациа ацҳаражәҳәарҭа адкыларҭаҟны Урыстәыла Амш инамаданы дықәгылеит.


***
Ҳаҭыр зқәу Алексеи Аркади-иҧа! Ҳаҭыр зқәу аныҳәатә еизара иалахәу зегьы!

Урыстәыла Амш – асимволтә ҵакы змоу рыцхәу дууп. 1990 шықәса лаҵарамза 12 рзы ҳаиҩызаратә ҳәынҭқарра аҧсҭазаараҟны иҟалеит акрызҵазкуа ахҭыс: ирыдыркылеит Урыстәылатәи Асоциалисттә Федеративтә Советтә Республика аҳәынҭқарратә суверенитет азы Адекларациа.

Урыстәыла аиҭаҿиара амҩаҿы аҧышәарақәа маҷымкәа иахҭысит, урҭ қәнагалагьы иахнагеит. Иахьа урыстәылатәи аҳәынҭқарра еиҭа адунеитә геополитика иалахәу ахәмарҩцәа хадақәа ируаӡәкуп. акырӡа иазҳаит уи атәылахьчаратә лшара, арратә мчхара. Асанкциақәеи аекономика алхәдаразы аҽазышәарақәа шыҟазгьы, Урыстәыла шьаҿа-шьаҿала аекономикатә шәарҭадара арҕәҕәара иаҿуп. Урыстәылатәи аҭҵаарадырреи аультуреи иахьагьы адунеитә ҭҵаарадырра-ҵараиуратәи, акультуратәи лшара аҿиара анырра аҭара алшоит.

Аҧсны атәылауаа ҳаҭыр дула иазнеиуеит иахьатәи аҭоурыхтә хҭыс еиҧш, иааизакны, Урыстәыла алахьынҵа, хьӡи-ҧшеи змоу аҭоурых, иахьатәи, уаҵәтәи аҧеиҧш, избан акәзар, ҳажәларқәа, ҳтәылақәа ашәышықәсақәа раахыс аиҩызаратә еимадарақәа рыбжьоуп.

Урыстәылоуп раҧхьаӡа Аҧсны Аҳәынҭқарра ахьыҧшымра азхазҵаз, иароуп ацхыраара ду ҳазҭо иуадаҩу аҳәынҭқарра, ҳтәыла аекономикатәи акультуратә лшарақәа реиҭашьақәыргылара апроцесс аҟны, уи амилаҭтә интересқәа рыхьчараан. Ҳара ибзиаӡаны иаҳныруеит аиҩызаратә, аидгыларатә ҳәынҭқарра аганахьала иҳарҭо ганрацәала адгылара. Хымҧада, ҳусеицурагьы алҵшәақәагьы аҧеиҧш дугьы рымоуп.

Азин сышәҭозар, гәык-ҧсыкала ишәыдысныҳәалоит ари аныҳәа, ишәзеиҕьасшьоит агәреибагареи аҳаҭыреиқәҵареи шьаҭас измоу ҳаиашьаратә жәлари урыстәыла-аҧснытәи аиҩызареи рыхьӡала аҭынчра, аизҳазыҕьара, аихьӡарақәа.

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT