Аҧсны Аҳәынҭқарра Ахада

 

Ахада Иусҧҟақәеи идҵақәеи

12.08.2016

Аҧыза-министр ихаҭыҧуаҩ, афинансқәа рминистр изы Аусҧҟа

 Ахада Рауль Ҳаџьымба инапы аҵаиҩит Аҧыза-министр ихаҭыҧуаҩ, афинансқәа рминистр изы Аусҧҟа.

Аҧсны Аҳәынҭқарра Аҧыза-министр ихаҭыҧуаҩыс, афинансқәа рминистрс даҭоуп Сериков Дмитри Николаи-иҧа.

                                * * *

Сериков Дмитри Николаи-иҧа ибиографиа

Диит 1976ш. абҵара 29 рзы Москва ақ. аҟны. 2000 ш. далгеит Москватәи анџьныр-физикатә институт. 2002 ш. далгеит Урыстәылатәи Афедерациа Аиҳабыраҟны Аҳәынҭқарратә финанстә академиа.

2000-2002 шш. Аус иуан Урыстәылазегьтәи автоматика аҵарадырра-ҭҵааратә институт.

2002-2004 шш. – ИАУ «Соник Дуо» аҟны аҳасабеилыргаҩы-аекономист, Мегафон-Москва аимадара операторс дыҟоуп.

2004-2011 шш. рзы ИАУ «АҞӘАФОН-GSM» афинанстә директорс, Аҧсны Аҳәынҭқарра аҭелтә еимадара аоператорс аус иуан.

2011-2015 шш. – ИАУ «АҞӘАФОН-GSM» аоперациатә усзуразы адиректорс хада ихаҭыҧуаҩыс дыҟан.

2015 шықәса мшаҧымза инаркны Аҧсны Аҳәынҭқарра аҧыза-министр ихаҭыҧуаҩыс даҭан.

Дҭаацәароуп.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT