Аҧсны Аҳәынҭқарра Ахада

 

Ахада Иусҧҟақәеи идҵақәеи

25.07.2016

Ирыҵаҩуп аҳәынҭқарратә ҳамҭақәа ранашьаразы Аусҧҟақәа

Ахада Рауль Ҳаџьымба инапы аҵаиҩит аҳәынҭқарратә ҳамҭақәа ранашьаразы Аусҧҟақәа.

1992-1993 шш. Аҧсны Жәлар рџьынџьтәылатә еибашьраан аҧсадгьыл аҿаҧхьа илшамҭақәа рзы, СССР Арбџьармчқәеи Аҧсны Аҳәынҭқарра Арбџьармчқәеи рыҟны набыцра зқәым шықәсырацәалатәи имаҵзуразы «Ахьӡ-Аҧша» аорден III аҩаӡара ианашьазааит Леон иорден занашьоу Амыҷба Раули Уарлам-иҧа.

Хаҭала иеихьӡара ҳаракқәа рзы, Аҧсны Аҳәынҭқарраҟны аспорт аҿиараҿы илагаламҭазы «Ахьӡ-Аҧша» аорден III аҩаӡара ианашьазааит Бениа Џьарназ Владимир-иҧа, зхы иақәиҭу ақәҧаразы Аҧсны Аҳәынҭқарреи Урыстәылатәи Афедерациеи зыҽрыҧсазтәыз азыҟаҵаҩ.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT