Аҧсны Аҳәынҭқарра Ахада

 

Ахада Иусҧҟақәеи идҵақәеи

10.05.2016

Аҳаҭыртә хьыӡқәеи аорденқәеи ранашьаразы Аусҧҟа

Аҧсны Ахада Рауль Ҳаџьымба инапы аҵаиҩит Аҳаҭыртә хьыӡқәеи аорденқәеи ранашьаразы Аусҧҟа.

Акультуреи аҟазареи рыҟны шықәсырацәалатәи, лыҵшәабзиалатәи аусурази аҧсуа сахьаҭыхҩцәа рырҿиара аларҵәареи рзы Аза Ҳаџьгәаҭ-иҧҳа Аргәын иланашьоуп “Аҧсны Аҳәынҭқарра акультура зҽаҧсазтәыз аусзуҩы” ҳәа аҳаҭыртә хьӡы.

Абаҩрҵәыреи аспорти рыҟны шықәсырацәалатәи, лыҵшәабзиалатәи аусурази, ипрофессионализм аҳаракреи рзы “Аҧсны Аҳәынҭқарра абаҩрҵәыреи аспорти зыҽрыҧсазтәыз аусзуҩы” ҳәа аҳаҭыртә хьӡы ианашьоуп:

анапылампыл азы Аҧсны Аҳәынҭқарра зҽаҧсазтәыз азыҟаҵаҩ ҳаҭыр змоу Аҧсны Аҳәынҭқарра аспорт азҟаза, Гагратәи Ахәыҷтәы-қәыҧштә спорттә школ №1 аиҳабы Алеқсандр Алеқсандр-иҧа Арамиан;

«Ахьӡ-Аҧша» аорден II аҩаӡара занашьоу, амҵәышәмпыл азы ҳаҭыр змоу Аҧсны Аҳәынҭқарра аспорт азҟаза Џьансыхә Шаҭыгә-иҧа Гәбаз;

Абокс азы Аҧсны Аҳәынҭқарра зҽаҧсазтәыз азыҟаҵаҩ ҳаҭыр змоу Аҧсны Аҳәынҭқарра аспорт азҟаза, Гәдоуҭатәи Ахәыҷтәы - қәыҧштә спорттә школ атренер Леонид Сергеи-иҧа Ҳаразиа.

Алаҭынтә Америка атәылақәа рыҟны Аҧсны Аҳәынҭқарра амилаҭтә интересқәа рыдгылара иазку активла адипломатиатә усуразы Боливариантәи Ареспублика Венесуела иҟоу Аҧсны Аҳәынҭқарра Аҷыдалкаатәи Амчнаӡазмоуи Ацҳаражәҳәаҩ Заур Константин-иҧа Гуаџьаа ианашьоуп «Ахьӡ-Аҧша» аорден III аҩаӡара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT