Аҧсны Аҳәынҭқарра Ахада

 

Ахада Иусҧҟақәеи идҵақәеи

30.06.2020

Адҵа Аҧсны Аҳәынҭқарра ауааҧсыра коронавирустә ҿкы COVID-19 рацәыхьчара иазку иалкаау уснагӡатәқәак рзы


Аҧсны Аҳәынҭқарра ауааҧсыра коронавирустә ҿкы COVID-19 рацәыхьчара иазку иалкаау уснагӡатәқәак рзы 


Адҵа


Аҧсны Аҳәынҭқарра ауааҧсыра коронавирустә ҿкы COVID-19 рацәыхьчара иазку Акоординациатә штаб 2020 шықәса рашәарамза 29 аҟнытә азыӡба шьаҭас иҟаҵаны:

1. Аҧсны Аҳәынҭқарра Адәныҟатәи аусқәа, Атуризм азы Аҧсны Аҳәынҭқарра аминистрра, Аҧсны Аҳәынҭқарра Агәабзиарахьчара аминистрра ирыдҵазааит аусбарҭабжьаратә усеицурала Урыстәылатәи Афедерациа Адәныҟатәи аусқәа рминистрра, Ахархәаҩцәа рзинқәа рыхьчареи ауаҩытәҩса иҭагылазаашьа бзиеи рганахьала Ахылаҧшразы афедералтә маҵзура, Урыстәылатәи Афедерациа Ашәарҭадара афедералтә маҵзура, Атуризм азы афедералтә усбарҭа алархәны аус адулара аҧсны-урыстәылатәи аҳәаала аужьра апунктқәа раартра алыршара азҵаара 2020 шықәса ҧхынгәымза 15 инаркны Аҧсны Аҳәынҭқарреи Урыстәылатәи Афедерациеи рыҟны иақәнагоу аепидимиологиатә ҭагылазаашьа аныҟала атуристтә аамҭа аиҿкаара хықәкыс иҟаҵаны.
2. Иҧкызааит 2020 шықәса рашәарамза 15-нӡа атәымтәылауааи атәылауаҩра змам ахаҿқәеи аҧсны –урыстәылатәи аҳәааҟны аужьра апунктқәа рыла Аҧсны Аҳәынҭқарра ралалара:
1) Аҧсны Аҳәынҭқарраҟны аккредитациа змоу адипломатиатә усҳәарҭақәа русзуҩцәа, Аҧсны Аҳәынҭқарраҟны иҟоу Урыстәыла АШӘМ Аҳәаахьчаратә усбарҭа, Еидҵоу урыстәылатәи арратә базақәа русзуҩцәа;
2) жәларбжьаратәи аидара мҩангара иазку атранспорттә хархәагақәа;
3) аидара мҩанызго адәыҕбақәа рныҟәцаҩцәа;
4) знык Аҧсны Аҳәынҭқарра иалало атәымтәылауааи атәылауаҩра змам ахаҿқәеи Аҧсны Аҳәынҭқарра иқәынхо рҭынхацәа (рҭаацәақәа, рыхшара, ҧас иҟазҵаз, ҧас иҟарҵаз, аиашьеи аиаҳәшьа гәакьақәеи, абдуцәа, андуцәа рышҟа), Аҧсны Аҳәынҭқарра иатәылауааумамзаргьы итәымтәылауаау, иааиҧмырҟьаӡакәа ма аамҭала закәанла Аҧсны Аҳәынҭқарра иқәынхо ахылаҧшҩцәа, апекунцәа
аламҵакәа, убри аан ирымазароуп:
- рхаҭара зыршаҳаҭуа, убас ишыҟоу ала Аҧсны Аҳәынҭқарра иазханаҵо, иҵабыргу адокументқәеи авизақәеи, мамзаргьы Аҧсны Аҳәынҭқарра жәларбжьаратәи аиқәшаҳаҭрақәа иазҧхьагәарҭо визадатәи аҧҟарала;
- аиуара шьақәзырҕәҕәо адокументқәа (адокументқәа рыхҩылаа), (установления апекунра ма ахылаҧшра ашьақәыргылара);
- Аҧсны Аҳәынҭқарра адгьылҵакыраҟны иааиҧмырҟьаӡакәа мамзаргьы аамҭала атәымтәылауаа ма атәылауаҩра змам ахаҿқәа рынхара шьақәзырҕәҕәо адокументқәа рыхҩылаа;
- Урыстәылатәи Афедерациа амедицинатә усҳәарҭа инаҭаз ари ахаҿы коронавирустә ҿкы чымазара COVID-19 азы аҭҵаара иҵоурам алҵшәазы атест дшахыжьу шьақәзырҕәҕәо хымш иреиҳамкәа аҿҳәара змоу адокумент.
3. Аҧсны Аҳәынҭқарра Аҷыдалкаатә ҭагылазаашьазы аминистрреи Аҧсны Аҳәынҭқарра Агәабзиарахьчара аминистрреи еидгыланы еиҿыркааит 2020 шықәса рашәарамза 15-нӡа аҧсны-урыстәылатәи аҳәынҭқарратә ҳәаа аужьратә пунктқәа рыҟны амедицинатә бригадақәа уахгьы-ҽынгьы рыҷаҧшьара
4. Иаанкылазааит ҳазада ахәаахәҭра ахьымҩаҧысуа адәқьанқәа (диути-фри) русура аҧсны-урыстәылатәи аҳәынҭқарратә ҳәааҟны 2020 шықәса рашәарамза 15-нӡа.
5. Аҟәа ақ. аҟни Аҧсны Аҳәынҭқарра араионқәеи рыҟны администрациақәа афатәтә, ақыҭанхамҩатә, ашәҵатәы џьармыкьақәа есҽны арҭ аобиектқәа ирыҵаркуа аҭыҧқәа апрофилактикатә дезинфекциа азырулааит.
6. Аҟәа ақ. аҟни Аҧсны Аҳәынҭқарра араионқәеи аадминистрациақәа рхадацәа ауаажәларратә транспорт аусура еиҿыркааит хархәара змоу атранспорт хымҧадатәи есҽнытәи адезинфекциа рзуны
7. Абри Адҵа анагӡаразы азинмы змоу, аҭакҧхықәра зду усбарҭаны ишьақәыргылазааит:

- Аҧсны Аҳәынҭқарра Адәныҟатәи аусқәа рминистрра – Адҵа апункт 1 анагӡаразы;
- Аҧсны Аҳәынҭқарра Атуризм аминистрра – Адҵа апункт 1 анагӡаразы;
- Аҧсны Аҳәынҭқарра Агәабзиарахьчара аминистрра Адҵа апунктқәа 1, 3 рынагӡаразы;
- Аҧсны аҳәынҭқарратә Ашәарҭадара амаҵзура – Адҵа апунктқәа 1, 3 рынагӡаразы;
- Аҧсны Аҳәынҭқарра Аҷыдалкаатә ҭагылазаашьазы аминистрра - Адҵа апункт 3 анагӡаразы;
- Аҧсны Аҳәынҭқарратә ҳазалхратә еилакы – Адҵа апункт 4 анагӡаразы;
- Аҟәа ақ, араионқәеи радминистрациақәа; Аҧсны Аҳәынҭқарра Адәныҟатәи аусқәа рминистрра – Адҵа апунктқәа 5, 6 рынагӡаразы;

8. Амч ацәыӡит ҳәа иҧхьаӡазааит 2020 шықәса рашәарамза 12 аҟн., № 227-рп «Аҧсны Аҳәынҭқарра ауааҧсыра коронавирустә ҿкы COVID-19 рацәыхьчара иазку иалкаау уснагӡатәқәак рзы» Аҧсны Аҳәынҭқарра Ахада Идҵа.

9. Абри Адҵа амч аиуеит 2020 шықәса ҧхынгәымза 1 инаркны.



                               АХАДА                                                    А. БЖЬАНИА


Аҟәа ақ.

2020 шықәса рашәарамза 30

№ 250-рп

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org