Ахада Иусҧҟақәеи идҵақәеи

Иаҧҵоуп Аҳәынҭқарратә комиссиа Атәылахьчара актәи аминистр, Леон иорден занашьоу, Аҧсны Афырхаҵа Владимир Аршба диижьҭеи 60 шықәса аҵра инамаданы

Аҧсны Ахада Рауль Ҳаџьымба Идҵала иаҧҵоуп Аҳәынҭқарратә комиссиа Атәылахьчара актәи аминистр, Аҧсны Аҳәынҭқарра Арбџьар Мчқәа Рыштаб хада ҧасатәи аиҳабы, аинрал-леитенант, Леон иорден занашьоу, Аҧсны Афырхаҵа Владимир Аршба диижьҭеи 60 шықәса аҵра инамаданы.

Акомиссиа аилазаара иалоуп:

Бганба В.Р. – Аҧсны Аҳәынҭқарра Аҧыза-министр – Акомиссиа ахантәаҩы;
Аршба В.Ш. – ауаажәларратә усзуҩы;
Беиа М.Ҷ. – В.Г. Арӡынба ихьӡ зху Ахьӡ-аҧша амузеи адиректор;
Гәуниа И.Ҷ. – Атәылахьчареи амилаҭтә шәарҭадараеи рзы Аҧсны Жәлар Реизара – Апарламент аилак ахантәаҩы (иақәшаҳаҭхарала);
Занҭариа В.К. – Аҧсны Аҳәынҭқарра Ахада Иабжьгаҩ;
Қьишьмариа М.Б. – Аҧсны Аҳәынҭқарра Атәылахьчара аминистр;
Маршьаниа З.К. – Аҧсны Аҳәынҭқарра Аминистрцәа реилазаара Аппарат Анапхгаҩы ихаҭыҧуаҩ;
Ҳаразиа А.Р. – Аҟәа ақ. администрациа ахада.

Возврат к списку