Ахада Иусҧҟақәеи идҵақәеи

Ахада инапы аҵаиҩит Арсҭаа Шоҭа «Ахьӡ-Аҧша» аорден I аҩаӡара ианашьаразы Аусҧҟа

Аҧсны Аҳәынҭқарра Ахада Рауль Ҳаџьымба инапы аҵаиҩит Арсҭаа Ш. Ҟ. «Ахьӡ-Аҧша» аорден I аҩаӡара ианашьаразы Аусҧҟа.

Аусҧҟа атекст аҟны, ҷыдала, иҳәоуп:

«Амилаҭтә бызшәадырра арҿиараҿы иналукааша илшамҭақәеи, Аҧсны Аҭҵаарадыррақәа Ракадемиа ашьаҭаркраҿы илагаламҭеи, акыршықәсатәи арҵара-ааӡаратә усураҿы иеихьӡарақәеи рзы академик, афилологиатә ҭҵаарадыррақәа рдоктор, апрофессор, Гь.А. Ӡиӡариа ихьӡ зху Аҳәынҭқарратә премиа алауреат АРСҬАА Шоҭа Ҟасҭеи-иҧа ианашьазааит «Ахьӡ-Аҧша» аорден I  аҩаӡара».

 

 




Возврат к списку