Аҧсны Аҳәынҭқарра Ахада

 

Кьылба Муҳамед Сеҭби-иҧа

11078090_10152725508141994_2385430702626108149_o.jpg

Диит нанҳәа 27, 1958 шықәсазы Ставропольтәи атәылаҿацә Ҟарачы-Черқьесстәи автономтә област. Адаге-Хабльтәи араион Ажәытә-Кувинтәи ақыҭаҿы.

Дҭалеит дагьалгеит Ажәытә-Кувинтәи абжьаратәи ашкол. 1975 шықәсазы Орџьоникиӡе ихьӡ зху иреиҳаӡоу азеиҧшарратә командаҟаҵаратә ҵараиурҭа. Далгеит 1979 шықәсазы.

Харамрагыларатәи, Ҭуркенстантәи, Аҩадакавказтәи арратә округқәа рырхәҭақәа рыҟны аррамаҵура дахысуан.

Аррамаҵура дахысуан аҧшыхәратә ротаҟны авзвод акаҧдани аҧшыхәра аполк аиҳаби рмаҵураҟны.

1985 шықәса инаркны 1988 шш. Афганистан ареспубликаҟны имҩаҧысуаз аибашьра далахәын. Ианашьоуп “Аеҵәа ҟаҧшь” аорденқәа ҩбеи СССР-и Афганистани рмедальқәа хәбеи.

Далахәын 1992-93шш. Аҧсны жәлар Рџьынџьтәылатә еибашьра.

Гагра ахьчаратә ҳәааҿы акомандаҟаҵаҩыс дыҟан, Гәмысҭатәи афронт акомандаҟаҵаҩы ихаҭыҧуаҩыс, Аҧсны Арбџьар мчқәа актәи абригада акомандаҟаҵаҩыс, Гәмысҭатәи афронт акомандаҟаҵаҩыс, Аҧсны Аҳәынҭқарра атәылахьчара аминистр ихаҭыҧуаҩыс дыҟан. Аҧсны афырхаҵа ҳәа ахьӡ ихуп. Аҧсны Аҳәынҭқарра Арбџьар мчқәа аполковникуп.

Аибашьра ашьҭахь 1995 шықәсазы Ҟарачы-Черқьесстәи Ареспублика Апарламент I ааҧхьара адепутатс далхын. 1999 ш. – II ааҧхьара, 2003 ш. инакрны 2004шш.-нӡа Ҟарачы-Черқьесстәи Ареспублика Ахада иабжьагаҩыс дыҟан.

Дҭаацәароуп. Хҩык ахшара имоуп.

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT