Аҧсны Аҳәынҭқарра Ахада

 

Ахада Аҧсны жәлар Аконституциа амш рыдиныҳәалеит

26.11.2018

Абҵарамза 26 рзы Аҧсны Аҳәынҭқарра Ахада Рауль Ҳаџьымба Аҧсны жәлар ирыдиныҳәалеит Аҧсны Аҳәынҭқарра Аконституциа Амш.

***
Акыр иаҧсоу ҳауаажәлар!

Гәык-ҧсыкала ишәыдысныҳәалоит Аҧсны Аҳәынҭқарра Аконституциа амш!

1994 шықәса абҵарамза 26 рзы ирыдыркылеит Аҧсны аҭоурых ҿыц аҟны илахьынҵаӡбаганы иҟалаз Азакәан Хада. Аконституциа Аҧсуа ҳәынҭқарра асуверентә, адемократиатә, азинтә ҟазшьа шьақәнарҕәҕәеит, аҳәынҭқарратәи ауаажәларратәи еиҿкаарақәа шьаҭас ироуит, ауаҩы изинқәеи ихақәиҭрақәеи рҵакы ҳаракны иҟанаҵеит.
Азакәан Хада злашьақәгылоу анормақәеи апринципқәеи ҳрықәныҟәо, ҳара аҧышәара дуқәа ҳархысит, иахьа жәларбжьаратәи азин иасубиектны иҟоу ихьыҧшым аҳәынҭқарра аргылара амҩа ҳануп.
   
Аҳәынҭқарра атәылауаа рконституциатә зинқәеи рхақәиҭрақәеи шахьчо еиҧш, аконституциатә нормақәеи апринципқәеи рҭышәынтәалара шалнаршо еиҧш ауп, асоциалтә-економикатә ҿиареи ауаажәларратәи аҳәынҭқарратәи еиҿкаарақәа рыҿиара мацара акәымкәа, исуверентәу ҳәынҭқаррак аҳасабала Аҧсны аҧеиҧшгьы шыҟало.

Ихадароу ароль нанагӡоит аҵыхәтәантәи ашықәсқәа рзы аконституциатәи аӡбаратәи реформала иаҧҵоу аконституциатә контроль аӡбаратә усбарҭа - Аҧсны Аҳәынҭқарра Аконституциатә ӡбарҭа профессиналла, системалатәи аусура.

Азакәан аҿаҧхьа аиҟарара, азин ҧыжәара аҭара, аӡбаратә ӡбамҭақәа рзакәанреи риашареи, амчхаратә усбарҭақәеи атәылауааи рыла урҭ неиҩымхрада рынагӡара, азинхдырра ҳаракы, иеижьагоу акәымкәа, иреалтәу аконституционализм – абарҭи егьырҭи азинтә ҳәынҭқарра аҷыдарақәа инеиҧынкыланы аҧсҭазаара иалаҳарҵәалароуп. Уаҳа даҽа мҩакы ыҟаӡам аекономикеи асоциалтә ҟәшеи рырҿиаразы, атәылауаа рыҧсҭазаара аиҕьтәразы.

Ҳауаажәлар зегьы ирыдысныҳәалоит иахьатәи аныҳәа ду - Аконституциа амш!
Гәык-ҧсыкала ишәзеиҕьасшьоит аизҳазыҕьара, аҭышәынтәалара, аҭынчра!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT