Аҧсны Аҳәынҭқарра Ахада

 

Рауль Ҳаџьымбеи Владимир Путини реиҧылара

21.11.2018

Рауль Ҳаџьымбеи Владимир Путини реиҧылара

Абҵарамза 21 рзы Шәача ақ. имҩаҧысит Аҧсны Аҳәынҭқарра Ахада Рауль Ҳаџьымбеи Урыстәылатәи Афедерациа Ахада Владимир Путини реиҧылара.

Владимир Путин: Ҳаҭыр зқәу Рауль Џьумка-иҧа, шәбара даара сеигәырҕьоит. Сынтәа аҧхын Ареспублика азхаҵара аиубилеи инамаданы Шәареи сареи ҳаиқәшәара мҩаҧысит. Уажәы, ҳәарада, иҷыдоу, астратегиатә, аидгыларатә ҟазшьа змоу ҳаизыҟазаашьақәа зеиҧшроу атәы сагәылаланы алацәажәара салагаӡом. Шәареи сареи абас анеитралтә ҭагылазаашьаҿы ҳаиқәшәаны ҳазҭагылоу аамҭазтәи азҵаарақәа ҳрылацәажәарц еибаҳҳәахьан. Дара, хымҧада, ирацәоуп. Атауареикәшара иазҳауеит, аха еизакны иаагозар, рацәак иазҳаит ҳазҳәаӡом ҵыҧх 5 %, ҳазҭоу ашықәс аҧхьатәи 9-10 мзы рыҩныҵҟала 2 %. Анаплакқәагьы аус руеит, аха уи азхаӡом ҳәа сгәы иаанагоит. Ҳара усҟангьы аекономика аҿиара ацхрааразы иҵегьы алшарақәа аҭахуп ҳәа азгәаҳҭеит. Сара шәбара сеигәырҕьоит абас иформалтәым аҭагылазаашьаҟны Ареспублика аҿиаразы еиҳа актуалра змоу ҳәа ишәыҧхьаӡо азҵаарақәа ҳрылацәажәарц азы.


Рауль Ҳаџьымба: Ҳаҭыр зқәу Владимир Владимир-иҧа, иҭабуп ҳәа шәасҳәарц сҭахуп еиҭа аиҧыларазы аҭагылазаашьа ахьҳамоу азы.

Нанҳәамзазтәи ҳаиҧыларақәа рышьҭахь, иҟоуп ҳазлацәажәаша азҵаарақәа. Ҳаиҧыларақәа шьҭа атрадициатә ҟазшьа рымоуп, урҭ ҳҳәынҭқаррақәа рыбжьара ишьақәгыло аизыҟазаашьақәа ртәы аҳәоит.

Ари аамҭа аҩныҵҟала Аинвестпрограмма ацәаҳәала аусура мҩаҧысуеит. Иҟоуп аихьӡарақәа. Аҵакы рымоуп ҳара ҳзы иара убас Аинвестициатә усбарҭа ахырхарҭала имҩаҧысуа аусурақәагьы. Иҟоуп зхыркәшарахьы инеиуа аобиектқәа. Иҟоуп инагӡоу аусмҩаҧгатәқәа, аобиектқәа аусура нап адыркит, ҷыдала, аграртә ҟәшаҟны; иара убас шәареи сареи ҳазлацәажәоз Аинформациатә-координациатә центр, атәылахьчаратә усбарҭақәа рхырхарҭала аусурақәа мҩаҧысуеит. Абри ашықәс аҩныҵҟала имҩаҧгоуп 94 инареиҳаны усмҩаҧгатә, урҭ ҳарратә усбарҭақәа ирыбжьоу аизыҟазаашьақәа аҿиара ишаҿу рныҧшуеит. Ари Аҧсназы акраҵанакуеит, даҽазныкгьы ҳаизыҟазаашьақәа рышьақәырҕәҕәара иацхраауеит.  

 2.jpg

1.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT