Аҧсны Аҳәынҭқарра Ахада

 

Ахада II атуристтә форум «VISIT APSNY» аартра даҭааит

19.11.2018

Абҵарамза 19 рзы Аҧсны Аҳәынҭқарра Ахада Рауль Ҳаџьымба II атуристтә форум «VISIT APSNY» аартра даҭааит.

Атуристтә форум «Visit Apsny» аҳәаақәа ирҭагӡаны имҩаҧысыз ацәыргақәҵа-аҭира раҧхьаӡакәны иалахәын Шьамтәыла анапҟазацәа реидгыла ахаҭарнакцәа.

Шьамтәыла Анапҟазацәа реидгыла Ахантәаҩы Нажи аль Хадуа иҭабуп иҳәеит Аҧсны Аҳәынҭқарра Ахәаахәҭра-ааглыхратә палата аиармарка аҽалархәразы ирнаҭаз ааҧхьаразы.

«Раҧхьа иргыланы иҭабуп сҳәар сҭахуп иахьа ара аҟазааразы ҳаиашьаратә Аҧсны ахьӡала Аҧсны Аҳәынҭқарра Ахәаахәҭра-ааглыхратә палата иаҳнаҭаз алшаразы, ари атәыла ссир аҭааразы, ацәыргақәҵа аҽалархәразы. Шьамтәыла Анапҟазацәа реидгылеи ААП рыбжьара Аиқәшаҳаҭра ианаҵаҩха инаркны ҩышықәса роуп ибжьысыз, аха шьамтәылатәи аалыҵ ацәыргақәҵаразы иҳаҭаз ажәа иахьанатә инагӡоуп. Ҳара иаҳдыруеит Аҧсны анапҟазара аусхк аҟны иамоу алшара бзиақәа ртәы», - иҳәеит иара.

Шьамтәыла Анапҟазацәа реидгыла Нажи аль Хадуа аҳәынҭқарра Ахада ҳамҭас ииҭеит агабани ала иқәҵоу ҷыдала ахә змоу аба, иара убас Дамаск анапҟазацәа рыхьӡала Марџи ашҭа асимвол.

Ахада шьамтәылатәи аделегациа анапхгаҩы иҭабуп ҳәа иеиҳәеит, аусмҩаҧгатә иалахәыз аҧсшәа реиҳәеит.

«Бзиала шәаабеит ҳәа шәасҳәоит аиармарка иалахәу зегьы, иара убас иаҳҭааз асасцәагьы . Агәра згоит иара амҩаҧгара Аҧсназы итрадицианы ишыҟало. Акраҵанакуеит иахьа ара Шьамтәылатәи Арабтә Республика , иара убас Крым ахаҭарнакцәа ахьалахәу. Гәыкала иреиҕьу азеиҕьашьарақәа рзыскыр сҭахуп зҳәынҭқарра ахьчаразы игылоу Шьамтәыла ажәлар», - иҳәеит Ахада.

Аҳәынҭқарра Ахада иара убас ибеит аиармарка иалахәыз атауараарыхҩцәеи аџьаиндустриа анаплакқәеи рекспозициақәа.

Афорум амҩаҧгара аҧшьгаҩцәас иҟан Аҧсны Аҳәынҭқарра Ахәаахәҭра-ааглыхратә палатеи Икоммерциатәым апартниорра «Атуризм аҧснытәи аидгылеи» Акурортқәеи атуризми рминистрра иҟанаҵаз адгыларала.

IMG_1594.JPG

IMG_1595.JPG

IMG_1575.JPG

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT