Аҧсны Аҳәынҭқарра Ахада

 

Ахада аҳәынҭқарратә биуџьет ахь иазҧхьагәаҭоу ашәахтәқәеи аҳазатәи шәатәқәа рааимҭақәа рарбагақәа рынагӡашьа иазку аилацәажәара мҩаҧигеит

13.11.2018

Ахада аҳәынҭқарратә биуџьет ахь иазҧхьагәаҭоу ашәахтәқәеи аҳазатәи шәатәқәа рааимҭақәа рарбагақәа рынагӡашьа иазку аилацәажәара мҩаҧигеит

Аҧсны Аҳәынҭқарра Ахада Рауль Ҳаџьымба аҳәынҭқарратә биуџьет ахь иазҧхьагәаҭоу ашәахтәқәеи аҳазатәи шәатәқәа рааимҭақәа рарбагақәа рынагӡашьа иазку аилацәажәара мҩаҧигеит.     

Аҳәынҭқарра Ахада аилацәажәара иалахәыз абиуџьет ахь иааиуа иазҧхьагәатоу ашәатәқәа рыхкы хадақәа рырбагақәа рынагӡараҟны иҟоу аҵахарақәа, урҭ рхылаҧшраҿы иҟоу агхақәеи ирызхьаирҧшит. Аиҳабыреи изықәнагоу аусбарҭақәеи адҵақәа риҭеит сынтәатәи ашықәс азы иазҧхьагәаҭоу абиуџьет ахь ааимҭақәа хымҧада рынагӡара иазку аусура арҕәҕәаразы.

Ҷыдала, Аҧсны Аҳәынҭқарратә ҳазалхратә еилакы анапы ианҵоуп ахырхарҭақәа зегьы рыла аҳәынҭқарратә ҳәаа аидара ахгара иақәнагоу аконтроль азура, иаларгалои иалганы иргои атауарқәа рзы ихарҭәааны адекларациа аҩра иазку аҳазалхратә постқәа русура ахаҭабзиара ашьҭыхра.

Ашәахтәқәеи аизгатәқәеи рминистрра аҿаҧхьа иқәыргылоуп аҳәынҭқарра иақәнагоу ашәахтә шәатәқәа харҭәааны ршәаразы аконтроль арҕәҕәара, аилагарақәа ҟазҵо рганахьала азакәанҧҵара иазҧхьагәанаҭо ауснагӡатәқәа рымҩаҧгара.

Аилацәажәара иалахәын Аҧсны Аҳәынҭқарра Аҧыза-министр Валери Бганба, Аиҳабыра алахәцәеи изықәнагоу аусбарҭақәеи, араионқәеи Аҟәа ақалақьи рхадацәа, иара убас аҭыҧантәи ашәахтә инспекциақәа рнапхгаҩцәа.

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT