Аҧсны Аҳәынҭқарра Ахада

 

Ахада Аҩныҵҟатәи аусқәа русбарҭақәа русзуҩцәа рзанааҭтә ныҳәа рыдиныҳәалеит

10.11.2018

Абҵарамза 10 рзы Аҧсны Аҳәынҭқарра Ахада Рауль Ҳаџьымба Аҩныҵҟатәи аусқәа русбарҭақәа русзуҩцәеи рветеранцәеи рзанааҭтә ныҳәа рыдиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәа аҩныҵҟатәи аусқәа русбарҭақәа русзуҩцәеи рветеранцәеи!
Гәык-ҧсыкала ишәыдысныҳәалоит шәзанааҭтә ныҳәа – Амилициа амш!
Аҩныҵҟатәи аусқәа русбарҭақәа русзуҩцә есқьынгьы аҭыҧ ҷыда ааныркылон азеиҧшҳәынҭқарратә уснагӡатәқәа рыӡбараҿы. Иҭабуп ҳәа расҳәарц сҭахуп иреиҕьу атрадициақәа аҧызҵоз абиҧара еиҳабацәа иахьатәи амилициа ашьақәгылараҟны рлагаламҭа ду азы, ААР аусзуҩцәа рабиҧара ҿыц реиҵааӡаразы. Шәара шәҧышәеи шәдыррақәеи ахә ашьара уадаҩуп. Шәара Аҧсадгьыл амаҵураҟны шәҿырҧшыга бзианы шәыҟоуп.
Абри амш аҽны ҳаҭырла иаҳгәалаҳаршәоит 1991-1992 шш. Аҧсны Аџьынџьтәылатә еибашьра ашықәсқәа раан зыҧсадгьыл зхы ақәызҵаз амилициа аусзуҩцәа.Урҭ рыхьӡ кашәара ақәым.
Агәра згоит аринахысгьы шәара шәымч-шәылша зегьы ауаажәларратә леишәа, ҳтәыла ауааҧсыра рыхьчара, ауаажәларраҟны аҭынчра аиқәырхара ишазышәкуа.
Амилициа аусзуҩцәеи аветеранцәа зегьи ирзеиҕьасшьоит агәабзиара, агәамч, аҭынчра, Аҧсны Аҳәынҭқарра аизҳазыҕьара иазку шәусураҟны аихьӡарақәа!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT