Аҧсны Аҳәынҭқарра Ахада

 

Владимир Путин Жәлар ракзаара амш идныҳәалара

04.11.2018

Абҵарамза 4 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Ахада Владимир Путин Жәлар ракзаара амш идиныҳәалеит. 

Адныҳәалараҟны, ҷыдала, ихәоуп:

«Ҳаҭыр зқәу Владимир Владимир-иҧа!

Милаҭрацәала иеилоу Урыстәылатәи Афедерациа ажәлар нашәыдкыланы ишәыдысныҳәалоит Жәлар ракзаара амш.

Жәлар ракзаара амш символра рзыруеит Аҧсадгьыл ашҟа абзиабара, еиуеиҧшым амилаҭқәа рыжәларқәа ракзаара, акультуреи аҵас бзиақәеи рышьақәырҕәҕәара.

Абри амш аҽны ҳара ҳаҭырла иаҳгәалаҳаршәоит Аҧсадгьыл ахақәиҭреи ахьыҧшымреи иазықәҧоз рфырхаҵареи рпатриотизми ртәы. Урыстәылатәи аҳәынҭқарра аидгылареи ашьақәырҕәҕәареи шьаҭас иаиуит уи ажәлар атәыла аҿаҧхьа иныҟәырго аҭакҧхықәра ҳаракы.

Ҳаҭыр зқәу Владимир Владимир-иҧа, иҭабуп ҳәа шәасҳәарц сҭахуп Аҧсны ауааҧсыра зегьы рыхьӡала аҧсуа ҳәынҭқарра ашьаҭа арҕәҕәараҟны, атәыла ашәарҭадареи асоциалтә-економикатә ҿиареи ралыршараҟны, ҳтәылауаа рыҧсҭазаара ахаҭабзиара аиҕьтәраҟны хаҭала Шәара шәлагаламҭазы.

Абри аныҳәа аҽны Шәара аҧхьа шәнаргыланы, Урыстәылатәи Афедерациа иқәынхо ауааҧсыреи ирзеиҕьасшьоит аҭынчра, ахирра, аизҳазыҕьара». 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT