Аҧсны Аҳәынҭқарра Ахада

 

Ахада Аҧсны Аҳәынҭқарра Аҵаарадырра амш инамаданы аныҳәатә еилатәара иалахәыз ирзынаирхаз адныҳәалара

30.10.2018

Жьҭаарамза 30 рзы Аҭҵаарадырреи, акультуреи, аҵараиуреи рзы Ахада Иабжьгаҩ Владимир Занҭариа Ахада Аҧсны Аҳәынҭқарра Аҵаарадырра амш инамаданы аныҳәатә еилатәара иалахәызи асасцәеи ирзынаирхаз адныҳәалара даҧхьеит.

 

Ҳаҭыр зқәу ҳҵарауаа, Аҧсны Аҭҵаарадыррақәа ракадемиа алахәылацәа, аҭҵаарадырратә институтқәеи, иреиҳау ҳҵараиурҭақәеи  русзуҩцәа!

Гәык-ҧсыкала ишәыдысныҳәалоит аҭҵаарадырра амшныҳәа. Ишәзеиҕьасшьоит агәамч ҕәҕәа, аихьӡара ҿыцқәа!

Шәара ишәылшо зегь ҟашәҵоит  ҳҳәынҭқарра аҭҵаарадырра-техникатә мчхара аизырҳаразы.  Иаҳа-иаҳа  рымҽхак дырҭбаауеит Урыстәылатәи Афедерациеи, егьырҭ атәылақәеи, Аҧсны Аҳәынҭқарреи ирыбжьоу  аҭҵаарадырратә еимадарақәа.

Аҧсны Актәи Ахада   Владислав Григори-иҧа Арӡынба иаҧшьгарала иаҧҵоу ҳара ҳмилаҭтә Академиа асистемаҿы лыҵшәа бзиала аус руеит здырра ҵаулоу, аҧышәа ду змоу аҵарауаа аӡәырҩы. Урҭ ирыҵагылоит абаҩхатәра змоу аспециалистцәа ҿарацәа. Иара убас аҭҵаарадырра аизырҳара аус аҿы ақәҿиара ҟаимаҭқәа аадырҧшуеит Аҧснытәи аҳәынҭқарратә университет  арҵаҩцәеи апрофессорцәеи.

Аҧсуа ҵарауаа рылахәуп  еиуеиҧшым аҳәаанырцәтәи аҭҵаарадырратә конференциақәеи аконгрессқәеи. Иара убас ҳара ҳҿы имҩаҧысуа афорумқәа  рыҽрыладырхәырц лассы-лассы арахь  имҩахыҵуеит адунеи аҿы еицырдыруа аҵарауаа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT