Аҧсны Аҳәынҭқарра Ахада

 

Ахада Аҧснытәи ааглыхҩцәа Жәларбжьаратәи агроааглыхратә цәыргақәҵа "Ҭагалан хь-ҩежь-2018" ралархәра аиҿкааҩцәа идикылеит

19.10.2018

Ахада Аҧснытәи ааглыхҩцәа Жәларбжьаратәи агроааглыхратә цәыргақәҵа "Ҭагалан хь-ҩежь-2018" ралархәра аиҿкааҩцәа идикылеит

Жьҭаарамза 19 рзы Аҧсны Аҳәынҭқарра Ахада Рауль Ҳаџьымба Аҧснытәи ааглыхҩцәа Жәларбжьаратәи агроааглыхратә цәыргақәҵа "Ҭагалан хь-ҩежь-2018" ралархәра аиҿкааҩцәа идикылеит.

Аҳәынҭқарра Ахада аиҧылара алахәцәа аҧсшәа реиҳәеит, ацәыргақәҵаҿы традициала иранашьахало аҳамҭа ҳаракқәа рыдиныҳәалеит:

"Ҭагалан хь-ҩежь" алҵшәақәа иаҳдырбеит ҭыҧк аҿы ҳашгылам,  ҳҳәынҭқарра ашьақәыргылараҟны аҿиарамҩа ҳшану. Хымҧада, уажәаҧхьа иазгәаҳҭахьеит, аихьӡарақәа змоу анаплакқәа Урыстәылатәи аџьармыкьеи дареи аимадара рыбжьаҵара рылшартә аҟынӡа аизҳара рымазар   ҳҭахын.  Ҳара мҽхакы ҭбаала Урыстәылатәи аџьармыкьа алалара зылшо тәылаӡам, аха ҳтауарқәа рхаҭабзиара зеиҧшроу ала урҭ раларҵәара ҳалдыршоит. Иахьа адунеи зегь аҟны ари ахырхарҭаҟны аихьӡарақәа риуразы алшарақәа активла ахархәара рымоуп.  

Шәарҭ зегьы иҭабуп ҳәа шәасҳәоит имҩаҧыжәго аусуразы.  Ҷыдала иазгәаҭатәуп, арҭ ашықәсқәа рыҩныҵҟа имҩаҧысуаз аусурақәа ртәы".
Аҳәынҭқарра Ахада Аекономикеи ақыҭанхамҩеи рминистррақәа ирыдиҵеит ибжьаратәу абизнеси абизнес  маҷи рыцхырааразы иахәҭоу ауснагӡатәқәа рымҩаҧгаразы.
Урыстәыла иҟоу Аҧсны Ахәаахәҭра ахаҭарнак Олег Барцыц Ахада иҭабуп ҳәа иеиҳәеит ацәыргақәҵа аиҿкааҩцәа рыхә ҳаракны иахьишьаз, иара убас ианеишьеит Аҧсны Аиҳабыра зыҧсахаз аҳамҭа хада,  Гран-при ацәыргақәҵа арҿиараҟны "Аҳәаанырцәтәи атәылақәа" захьӡу аноминациаҿы алагаламҭазы.

  "Ҳаҭыр зқәу Рауль Џьумка-иҧа, сҩызцәеи сареи ҳахьӡала иҭабуп ҳәа шәасҳәарц сҭахуп ҳусура иашәҭаз ахәшьара ҳаракы азы. Сынтәа иалахәын 22 наплакы, ҵыҧх 14, ари афакт иаҳәо рацәоуп. Ҳнаплакыҩцәеи ҳҳәынҭқарреи рымч еибыҭаны имҩаҧырго аусура  алҵшәа бзиақәа убартә иҟоуп.

Егьырҭ ашықәсқәа раан еиҧш, сынтәагьы ицәыргақәҵаз ақыҭанхамҩа аалыҵ иадҳәалаз ахарџьқәа рхахьы иргеит Аиҳабыра. Алахәхара амҽхак ҭбаан, алҵшәагьы аман. Урыстәылатәи аџьармыкьа аҧсуа қыҭанхамҩа аалыҵ ахь иамоу азҿлымҳара есааира иазҳауеит. Актәи Аҧыза-министр зхадараҿы дыҟаз аофициалтә делегациа Мрагыларатәи Европа зымҽхак ҭбаау афорум аҵакы ашьҭыхра иацхрааит ҳәа сгәы иаанагоит. Иара убас аусура мҩаҧаҳгеит аустә программаҟны, ақыҭанхамҩа аминистри, аҳәаанырцәтәи аделегациақәеи, урыстәылатәи арегионқәа рнапхгаҩцәеи злахәыз аусуратә еиҧыларақәа мҩаҧаҳгеит, иара убас ишьҭаҳхит апроект ҿыцқәа рӡыргара азҵаара, урҭ, хымҧада, Аҧсны Аҳәынҭқарраҟны  рынагӡара алшоит. Абри аетап аҿы ҳхықәкы хада нагӡоуп, ааглыхрақәа есааира ирызҳауеит, аџьармыкьа урҭ раалыҵ адкылара иазхиоуп. Ашьақәгылара мҩаҧысуеит абжьаратә класс иаҵанакуа ааглыхҩцәа, ахатәнаплакыҩцәа, аҧшәмацәа. Ҳара  ҳахш зауад адебиут аҿы ахьқәа ҩба ирыҧсахеит, уи даара акраҵанакуеит. Кремль имҩаҧысуаз агала - хәылҧазы аҿы ҳколлектив ссир "Каказ" ақәгылара абарёт аусёкща зегьы рҵакы шьақәнарҕәҕәеит", - иҳәеит Олег Барцыц. 
Актәи Аҧыза-министр Даур Аршба иазгәеиҭеит ацәыргақәҵа аҧсуа ааглыхыҩцәа даара ибзианы ишазыҟаҵаз. 
"Сара избеит ацәыргақәҵа аҽнеиҧш, уи аҽазыҟазырхиарагьы шаҟа аџьабаа адырбалаз. Уи ада алҵшәагьы зыҟаломызт. Аиҳабыра ари аус  иахаҵгылеит, иааидкыланы, абас еиҧш аусеицзура ақәҿиарақәа аманы имҩаҧысит", - иҳәеит Даур Аршба. 
1 (1).jpg
1 (2).jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT