Аҧсны Аҳәынҭқарра Ахада

 

Ахада Аҩныҵҟатәи аусқәа рминистрра акомандаҟаҵареи хаҭалатәи аилазаареи дырҧылеит

03.10.2018

Ахада Аҩныҵҟатәи аусқәа рминистрра акомандаҟаҵареи хаҭалатәи аилазаареи дырҧылеит

Жьҭаарамза 3 рзы Аҧсны Аҳәынҭқарра Ахада Рауль Ҳаџьымба дырҧылеит Аҩныҵҟатәи аусқәа рминистрра адҵаҟаҵареи, хаҭалатәи аилазаареи. 

IMG_6598.JPGАҳәынҭқарра Ахада ҭабуп ҳәа реиҳәеит Аҩныҵҟатәи аусқәа рминистрра акомандаҟаҵареи хаҭалатәи аилазаареи  аныҳәатә усмҩаҧгатәқәа рҽырзыҟаҵареи рымҩаҧгареи раан ашәарҭадареи ауаажәларратә леишәеи хылаҧшра рыҭаразы имҩаҧыргаз аусуразы:

"Арҭ амшқәа зегьы рзы, нанҳәамза 26 инаркны Аиааиреи Ахьыҧшымреи рымш аҽнынӡа, аилазаарақәа зегьы,  раҧхьа иргыланы Аҩнуҵҟатәи аусқәа рминистрра  ауаажәларратә шәарҭадара ахьчаразы рҿаҧхьа иқәгылаз азҵаарақәа имариамызт. Арратә парад иалахәыз, Аиааира Ашҭаҿы, ҳтәылаҿы аныҳәамшқәа раан аҭагылазаашьа хылаҧшра азҭоз зегьы иҭабуп ҳәа шәасҳәоит. Хымҧада, ас еиҧш аҩаӡара змоу аусура аҧхьаҟагьы иацҵатәуп. Ауаажәларратә шәарҭадареи амҩатә ҧҟарақәеи еилазгаз дарбанзаалак иқәнага дақәыршәатәуп.  Убас еиҧш азакәан иаҳәоит. Аҩныҵҟатәи аусқәа рминистрра  ирыҵаркуа аилазаарақәа зегьы абри аҩыза аҩаӡара еснагь  ирымазароуп".







Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT