Аҧсны Аҳәынҭқарра Ахада

 

Ахада Нхыҵ-Кавказтәи Ареспубликақәа рделегациа ахаҭарнакцәа дырԥылеит

01.10.2018

Ахада Нхыҵ-Кавказтәи Ареспубликақәа рделегациа ахаҭарнакцәа дырԥылеит

Жьҭаарамза 1 азы Аԥсны Аҳәынҭқарра Ахада Рауль Ҳаџьымба 1992-92ш.ш. Аԥсны Аџьынџьтәылатә еибашьраан ганрацәала ацхыраара ҳазҭаз Нхыҵ-Кавказтәи Ареспубликақәа рхаҭарнакцәа злахәыз аделегациақәа дырԥылеит.

Ахада асасцәа аԥсшәа реиҳәеит:

«Шәбара ҳаигәырӷьоит. Ҳара ҳзы акраҵанакуеит Аԥсназы акыр аџьабаа збаз иахьагьы ҳусеицзура иалаху арҭ амшқәа рзы ара шәахьҳадгылоу. Иҭабуп идуӡӡаны, ашықәсқәа зегьы ауадаҩрақәа шәырмыхәаԥшкәа, Аԥсны адгылара ахьашәҭо, шәахьҳацу».

Ауаажәларратә усзуҩы, Урыстәыла Иреиҳаӡоу Асовет адепутат Муҳамедин Тумов Ахада идиныҳәалеит Аԥсны Аиааиреи Ахьыԥшымреи 25 ш. рхыҵра:

«Ҳаҭыр зқәу, Рауль Џьумка-иԥа, азин сышәҭ хатәгәаԥхарала еибашьуази, аҟабардақәа рмилаҭтә еиҿкаарақәеи рыхьӡала акрызҵазкуа аныҳәа шәыдысныҳәаларазы. Аԥхьаҟагьы ишәзеиӷьасшьоит аизҳазыӷьара, аҭынчра, аихьӡарақәа. Иҭабуп, иҳашәҭаз ааԥхьаразы. Ҳара даара иаҳҭахны ҳааит шәгәырӷьара шәыцеиҩаҳшарц.
Сара уи разҟыс исыман ҳәа исыԥхьаӡоит, аибашьра анцоз Владислав Арӡынба изныкымкәкәа ҳаиқәшәахьан. Ииашаҵәҟьаны, аԥсуа жәлар рҵеи лаша иакәын. Нанҳәамза 14 рзы Иури Хамзаҭ-иԥа Калмыков ибжьы геит. Адунеи иқәынхо аедыгьқәа, Нхыҵ-Кавказтәи Ареспубликақәа зегьы ааԥхьара риҭеит Аԥсны ацхыраара аҭара ицаразы. Адунеи зегь иалаирҵәеит Аԥсны агәаҟраҿы ианҭагылоу ахала ишнимыжьуа. Уи зегьы ираҳаит. Агрессор аԥсуааи хатәгәаԥхарала еибашьуази ӷәӷәала дырҿагылан. Аԥсны ахьчара иазгылеит афырхацәа хатәгәаԥхарала еибашьуаз. Ҟабарда-Балкариантәи хатәгәаԥхарала еибашьуаз арԥарцәа ҳрызгәыдууп, ҳәарада. Сосналиев игәыԥ иацы нанҳәамза 15 рзы раԥхьа иаақәаз роуп. Иҭабуп ҳәа шәаҳҳәоит ҳаибашьцәа ахьышәхамшҭуа».

Ачерқьес-шаԥсыӷцәа абыргцәа реилазаара уаанӡатәи ахантәаҩы Руслан Гвашев Аԥсны жәлар аҭынчреи аизҳызыӷьареи рзеиӷьеишьеит. Иазгәеиҭеит, аԥсуа бызшәа ахьчареи арҿиареи арӷәӷәара гәцаракрыла ишазнеитәу, ахә ҳаракны ишьеит Аиааира 25ш. ахыҵра аҳаҭыразы Аиааира ашҭаҿы имҩаԥысуаз арратә парад аԥсышәала иахьымҩаԥгаз.

«Абызшәа азаҵараҿы ауадаҩрақәа рацәоуп, аха исаҳаз ажәабжь бзиа ауп арахь саазгазгь; арратә парад зегьы аԥсышәала иахьымҩаԥыжәгаз ари ус дууп.
Иҭабуп ҳәа шәасҳәоит ари адгьыл иахьагәалашәо Сулҭан Сосналиев, Иури Калмыков, Заур Налоев, иахьа зыԥсы ҭоу Шанибов рыхьӡқәа. Уи шәықәгыларақәа рҿы иазгәаҭан» - иҳәеит Руслан Гвашев.

Аиԥылараҿы Ахада «Ахьӡ-Аԥша» аорден ахԥатәи аҩаӡара ианеишьеит Муҳамедин Мажьыд-иԥа Тумов, Аԥсны Аџьынџьтәылатә еибашьраан хатәгәаԥхаралатәи агәыԥқәа реиҿкаара аус аҟны илагаламҭазы.

Аҳәынҭқарра Ахада Аԥсны Аџьынџьтәылатә еибашьраҿы Аиааира агараҟны рлагаламҭмазы «Аииаиразы» амедал ранеишьеит:

Тумов Муҳамедин Мажьыд-иԥа;
Кушхов Муҳамед Исмаил-иԥа;
Канлоев Владимир Ҳабас-иԥа;
Биданыҟәа Ниҳаҭ Ҳасан-иԥа;
Абрегов Ҳамид Темиркан- иԥа;
Готыжев Беҭал Шьеби-иԥа;
Беков Альберт Асланбек-иԥа;
Хоконов Заур Петро-иԥа;
Гусеинов Олег Муса-иԥа;
Мешев Владимир Ҳабас- иԥа;
Абазов Едуард Тамби-иԥа;
Кидакоев Ҳазраиль Ҳазреҭал-иԥа;
Чундышко Заурби Туркуб-иԥа;
Бжахов Музариҭ Исмаил-иԥа;
Халидов Деньге Шахрудин-иԥа;
Гвашев Руслан Индрис-иԥа;

Аԥсны Аџьынџьтәылатә еибашьраҿа игаз Аиааира аҟны рлалагалазы «Аиааиразы» амедал ранашьоуп:

Бгажноков Барасби Ҳачым-иԥа;
Губачиков Жантемир Муҳамед-иԥа;
Калмыков Жилиаби Адальби-иԥа;
Хаҭажуков Валери Назир-иԥа;
Шериев Хауҭи Башир-иԥа;
Ԥшуноков Артур Беҭал-иԥа;
Битоков Асланбек Владимир-иԥа;
Шанибов Иури Магомед-иԥа;
Мешвез Наџьеҭ Хаттам
Ҭхагалегов Муҳамед Умар-иԥа;
Думанов Мурадин Ҳазраҭали-иԥа;
Леиба Ҳалдун Муҳамед- иԥа;
Битоков Беслан Владимир-иԥа;
Шогенов Леонид Сулеиман-иԥа;
Ажьгириев Асқьер Амиркан-иԥа.

2.jpg
55.jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT