Аҧсны Аҳәынҭқарра Ахада

 

Ахада Урыстәылатәи Афедерациа Аҳәынткарратә Дума аделегациа идикылеит

30.09.2018

Ахада Урыстәылатәи Афедерациа Аҳәынткарратә Дума аделегациа идикылеит

Цәыббрамза 30 рзы Аԥсны Аҳәынҭқарра Ахада Рауль Ҳаџьымба Аџьынџьтәылатә еибашьраҿы Аиааира 25 ш. ахыҵра азгәаҭара амшқәа рзы иааз Урыстәылатәи Афедерациа Аҳәынткарратә Дума аделегациа идикылеит.

Аҳәынҭқарра Ахада асасцәа бзиала шәаабеит ҳәа реиҳәеит.

«Аиааиреи Ахьыԥшымреи 25 ш. рхыҵра азгәаҭара инадҳәаланы арҭ амшқәа рзы имҩаԥысуа аныҳәақәа рҿы Шәбара ҳаигәырӷьоит. Ҳара ҳзы акраҵанакуеит Урыстәылатәи Афедерациеи ҳареи ҳаизыҟазаашьақәа рыҿиара, арҭ ашықәсқәа рзы изҵаҩу аиқәшаҳаҭрақәа рынагӡара», - иҳәеит, ҷыдала, Ахада.

ИАР аусқәеи, евразаиатәи аинтеграциеи, аџьынџьуаа реимадарақәеи рзы Аҳәынткарратә Дума адепутат Иури Мишьериаков Ахада иҭабуп ҳәа иеиҳәеит иҟаиҵаз адкыларазы:

«Ҳара Аиааира ҳаигәырӷьоит, гәалсрыла иҳадакылоит 25 шықәса раԥхьа имҩаԥысуаз ахҭысқәа. Ҳҳәынҭқаррақәа ирыбжьоу аизыҟазаашьақәа рырӷәӷәаразы иҳалшо зегьы ҟаҳҵалароуп. Ҳәарада, аныҳәа шәыдаҳныҳәаларц ҳҭахуп! Гәахәара дууп шәаҳҭнықалақь аҟны аҟазаара, уаҵәы шәдепутатцәеи ҳареи ҳусуратә еилацәажәара иацаҳҵоит аполитикатә, аекономикатә зҵаарақәа инарымаданы.

Иҭабуп ҳәа шәаҳҳәоит иҟашәҵаз асасдкыларазы».
22.jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT