Аҧсны Аҳәынҭқарра Ахада

 

Вахтанг Аԥхазоу ииубилеи идныҳәалара

29.09.2018

Цәыббрамза 29 рзы Ахада Рауль Ҳаџьымба Ашәҟәыҩҩцәа Реидгыла ахантәаҩы Вахтанг Аԥхазоу 60-шықәсхыҵратәи ииубилеи идиныҳәалеит.

* * *
Ҳаҭыр зқәу Вахтанг Владимир-иҧа

Гәык-ҧсыкала ишәыдысныҳәалоит шәиижьҭеи 60 шықәса аҵра!

Аҧсны еицырдыруа апоет, апублицист, Аҧсны Аџьынџьтәылатә еибашьраан шәкорреспондент уалҧшьақәа нашәыгӡон. Шәҩымҭақәа рҿы шәырзышәаҳәоит шәыԥсадгьыли, шәыжәлари, шәыдгьыл аԥсабара аԥшӡареи. Инарҭбааны иаашәырҧшит амҳаџьырра атема. Шәылаԥшҳәааҿы иҟоуп абзиабаратә лирика. Аибашьра иазку астатиақәа жәпакы шәравторуп. Арепатриантцәеи адиаспореи ирызку аочеркқәа маҷымкәа иаҧышәҵеит.

Абарҭ шәылшамҭақәа зегьы рыхә ҳаракны ишьоуп. Ишәанашьоуп аорден «Ахьӡ-аҧша» а-3-тәи аҩаӡара. Ари иаанарҧшуеит шәыжәлари шәҳәынҭқарреи хаҭала шәара шәахь, шәусумҭақәеи рахь ирымоу аҳаҭырбара.

Ишәзеиӷьасшьоит агәамч ӷәӷәа, ашықәсынҵыра ду, ҧхьаҟагьы аихьӡара ҿыцқәа. Шәырҿиаратә гәҭакқәа зегь есымша инаӡалааит!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT