Аҧсны Аҳәынҭқарра Ахада

 

Ахада Аԥсны Аџьынџьтәылатә еибашьраҟны Аиааира 25 шықәса ахыҵра иазкыз Атәылахьчара аминистрра аныҳәатә еизара даҭааит

28.09.2018

Ахада Аԥсны Аџьынџьтәылатә еибашьраҟны Аиааира 25 шықәса ахыҵра иазкыз Атәылахьчара аминистрра аныҳәатә еизара даҭааит

Цәыббрамза 28 рзы Аԥсны Аҳәынҭқарра Ахада Рауль Ҳаџьымба Аԥсны Аџьынџьтәылатә еибашьраҟны Аиааира 25 шықәса ахыҵра иазкыз Атәылахьчара аминистрра аныҳәатә еизара даҭааит.

Аҳәынҭқарра Ахада Атәылахьчара аминистрра аныҳәатә еизараҟны иқәгылараҟны аизара иалахәыз аныҳәа рыдиныҳәалеит:

«Ҳаҭыр зқәу ҳкомандирцәа, ҳаруаа! Ҳажәлар ршьала иаагоу Аиааира ду – ари иналукааша ҭоурыхтә ныҳәа мшуп.
Гәык-ԥсыкала ишәыдысныҳәалоит ари аныҳәа. Ишәзеиӷьасшьоит агәалаҟара бзиа, агәамч, аихьӡара ҿыцқәа!
Иазҳалааит ҳаԥсадгьыл Аԥсынтәыла, ҳарбџьар мчқәа рымчхара!»

Ахада иқәгылара анаҩс 1992-1993 ш. Аԥсны Аџьынџьтәылатә еибашьраҟны аиааира агараҿы рлагаламҭазы аиубилеитә медалқәа ранеишьеит Атәылахьчара аминистрреи Аштаб хадеи аррамаҵзуҩцәа, Аџьынџьтәылатә еибашьра иалахәыз аруаа жәохәҩык:
1. Ар аинрал Кьышьмариа Мираб Борис-иԥа
2. Аинрал-леитенант Ҵәыџьба Беслан Андреи-иԥа
3. Аинрал-леитенант  Ануа Владимир Иван-иԥа
4. Аинрал-маиор  Анқәаб Аслан Назырбеи-иԥа
5. Аинрал-маиор Инуқ-оглы  Гурам Луҭбеи-иԥа
6. Аподполковник  Шьыкьырба Даур Анатоли-иԥа
7. Аполковник  Ԥоцхор-оглы Лизберт Заур-иԥа
8. Аполковник Зарандиа Нугзар Ладикәа-иԥа
9. Аподполковник Аиба Ханусе Николаи-иԥа
10.Амаиор Кьышьмариа Леонид Хәыхәыт-иԥа
11. Аподполковник Шахламџьиан Агаек Ишьҳан-иԥа
12. Аподполковник Ԥарцхалиа Гарик Уасил-иԥа
13. Аинрал-маиор Гәымба Адгәыр Алеқсеи-иԥа
14. Аподполковник Оҭырба Гарри Милтон-иԥа
15. Акапитан Шьаҟрыл Анна Владимир-иԥҳа.

 

3.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT