Ахада Аԥсны Аҳәынҭқарра ацентртә усбарҭақәа рнапхгаҩцәа рзы Аусԥҟа инапы аҵаиҩит

Цәыббрамза 27 рзы Аԥсны Аҳәынҭқарра Ахада Рауль Ҳаџьымба Аусԥҟа инапы аҵаиҩит Аԥсны Аҳәынҭқарра ацентртә усбарҭақәа рнапхгаҩцәа рзы.

Аусԥҟаҿы, ҷыдала, ихәоуп:

«Даҭазааит:
Аԥсны Аҳәынҭқарратә архивтә усбарҭа аиҳабыс Ӷәынџьиа Роман Ҳақыбеи-иԥа;
Аԥсны Аҳәынҭқарратә абнатә усбарҭа аиҳабыс Ашәхәаҵаа Анзор Николаи-иԥа;
Аԥсны Аҳәынҭқарра Адгьылхархәареи акадастри рзы аҳәынҭқарратә усбарҭа аиҳабыс Аҳәба Адамыр Мирон-иԥа;
Аԥсны Аҳәынҭқарра Атранспорт азы аҳәынҭқарратә усбарҭа аиҳабыс Габлиа Робестан Иван-иԥа;
Аԥсны Аҳәынҭқарра Аимадареи амассатә коммуникациақәеи рзы аҳәынҭқарратә усбарҭа аиҳабыс Шамба Лаша Паата-иԥа;
Аԥсны Аҳәынҭқарра Аветеринартә маҵзура аҳәынҭқарратә усбарҭа аиҳабыс Џьопуа Роман Владимир-иԥа;
Аԥсны Аҳәынҭқарра Аҵиаақәа ркарантин азы аҳәынҭқарратә инспекциа аиҳабыс Џьынџьиа Аркади Ҷыҷыкәа-иԥа;
Аԥсны Аҳәынҭқарратә статистика аусбарҭа аиҳабыс Гогьиа Кама Алықьса-иԥҳа;
Аԥсны Аҳәынҭқарратә капиталтә ргылара аусбарҭа аиҳабыс Амқәаб Игор Владимир-иԥа».


Возврат к списку