Аҧсны Аҳәынҭқарра Ахада

 

Ахада Аҧсны Афырхаҵа Ирина Гоцеридзе Ахьӡ-Аҧша апарк аҟны лыҧсыбаҩ анышә амадара иазкыз ацеремониа далахәын

20.09.2018

Ахада Аҧсны Афырхаҵа Ирина Гоцеридзе Ахьӡ-Аҧша апарк аҟны лыҧсыбаҩ анышә амадара иазкыз ацеремониа далахәын

Цәыббрамза 20 рзы Аҧсны Аҳәынҭқарра Ахада Рауль Ҳаџьымба 1992-1993 шш. Аҧсны Аџьынџьтәылатә еибашьраҟны иҭахаз Аҧсны Афырхаҵа Ирина Гоцериӡе лыҧсыбаҩ ииаганы анышә амадара иазкыз ацеремониа далахәын.

Ирина Гоцериӡе хәажәкырамзазтәи ажәылараан хабарда дыбжьӡит. Ашьҭахь уи дышҭахаз еилкаахеит. 1993 шықәса жәабранмзазы Гәмысҭатәи афронт 3-тәи абаталион аҟны санинструкторс дыҟан. Хәажәкырамзазтәи ажәылараан Гәмысҭа дырны аибашьра хҭысқәа лыҽлылархәуан, ахәцәа амедицинатә цхыраара рылҭон, аибашьра дәы иқәганы илгон. Ажәыларақәак руак аан ихәыз еибашьҩык аӡы дырылгеит, нас деиҭахынҳәит, уи нахыс уаҩы димбаӡеит.
Ирина Гоцериӡе Краснодартәи атәылаҿацә Абрау-Диурсо аҳаблаҟны диит. Ашьҭахь Гаграҟа нхара диасит. Ақырҭуа мпыҵахалаҩцәа ақалақь рнапаҟны ианаарга, аҧсуаа реиқәырхара, рыхьчара даҿын, лыҩны иҵәахны дырхылаҧшуан, фатәыла еиқәлыршәон, Бзыҧҭа ақыҭала афронт ацәаҳәа иахыганы идәықәылҵон. Аоккупантцәа ари еилыркаан, дҳәынҷаны дыргеит, акыр ддыргәаҟит, ааӡаб лхылгеит Ирина Гоцериӡе лыбз лҿылхырц азы, аха акгьы рылымшеит. Лхы данақәиҭха, илыӡбеит абџьар шьҭыхны Аҧсны ахьчаразы дгыларц. Ирина Гоцериӡе Аҧсны Афырхаҵа ҳәа ахьӡ лыхҵоуп.
1 добавить (2).JPG
1 добавить (3).JPG
1 добавить (8).JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT