Аҧсны Аҳәынҭқарра Ахада

 

Ахада Аҧсны Аҳәынҭқарра Аминистрцәа реилазаара аколлектив Аҧсны Аҳәынҭқарра Аҧыза-министр Валери Бганба дыдирдырит

18.09.2018

 Ахада Аҧсны Аҳәынҭқарра Аминистрцәа реилазаара аколлектив Аҧсны Аҳәынҭқарра Аҧыза-министр Валери Бганба дыдирдырит

Цәыббрамза 18 рзы Аҧсны Ахада Рауль Хаџьымба Аҧсны Аҳәынҭқарра Аминистрцәа реилазаара аколлектив Аҧсны Аҳәынҭқарра Аҧыза-министр Валери Бганба дыдирдырит.

Аиҧылара алагамҭазы Ахада Аиҳабыра алахәцәа Геннади Леонид-иҧа Гагәыли минуҭктәи аҿымҭрала дыргәаладыршәеит.

«Ишьақәгылаз аҭагылазаашьа инақәыршәаны ирласны иҟаҵатәу ашьаҿақәа ыҟоуп. Убри аҟнытә Аусҧҟа снапы аҵазҩит Аҧсны Аҳәынҭқарра Аҧыза-министрс Валери Рамшьыхә-иҧа Бганба иаҭаразы.  
Иара зегьы ижәдыруа иоуп. Сгәы иаанагоит, идыррақәеи иҧышәеи хархәара рыҭахап ҳәа ианаамҭоу Апарламент аҟны ицәыргахо абиуџьет апроект ашьақәыргылараҿы; иара убас Аинвестпрограмма анагӡаразы урыстәылатәи аган аус ацураҿы.  
Зегьы рганахьала аҳәара ҟасҵоит мҽхакы ҭбаала анапхгаҩ ҿыц шәидгыланы аусура шәалагарц азы. Аусура иацҵахароуп. Иазҧхьагәаҭоу аусмҩаҧгатәқәа нагӡазароуп, Урыстәылатәи Афедерациеи Шьамтәылатәи Арабтә Республикеи Аҧсни реизыҟазаашьақәа рырҿиара иазкыз аусмҩаҧгатәқәеи  рганахьала. Аҧыза-министр Ихаҭыҧуаҩцәа дасу инапы инау ахырхарҭақәа рыла русурақәа ирыцырҵароуп.  
Мышкгьы, секундкгьы иагымхароуп имҩаҧгатәу ауснагӡатәқәа. Ҧасатәи анапхгаҩы инапы злаикыз аусура гәацҧыҳәарала иацҵатәуп», - иҳәеит аҳәынҭқарра Ахада.
Валери Бганба иҳәеит аусеицура иабзоураны Ахада иқәиргылаз ауснагӡатәқәа рынагӡара шалыршахо.
  
«Ара сара исзымдыруа аӡәгьы дыҟаӡам, убри аҟнытә аусураҿы ҳаилибакаауеит. Ҳаҧхьа аус дуқәа шьҭоуп, аҭакҧхықәра иҳаду ишақәнагоу ҳазнеироуп», - иҳәеит Валери Бганба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT