Аҧсны Аҳәынҭқарра Ахада

 

Дмитри Медведев Имшира идныҳәалара

14.09.2018

Цәыббрамза 14 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Аиҳабыра Рхантәаҩы Дмитри Медведев имшира идиныҳәалеит.

Адныҳәалараҟны, ҷыдала, иҳәоуп:

«Ишәыдысныҳәлоит Шәымшира. Аҧсны Аҳәынҭқарраҟны Шәара ҳаҭыр ду шәықәырҵоит. Хаҭала Шәара шәыхьӡ иадҳәалоуп ҳтәыла аҭоурых ҿыц аҟны акырӡа зҵазкуа ахҭыс – Аҧсны Аҳәынҭқарра Урыстәылатәи Афедерациа аганахьала исуверентәу ихьыҧшым ҳәынҭқарраны азхаҵара. Аҧсны анапхгареи Аҧсны жәлари ахә ҳаракны иршьоит ахьыҧшымра азхаҵара иазкыз имариамыз аӡбамҭа, иара убри ауп ҩ-ганктәи ҳаизыҟазаашьақәа аимпульс ҿыц рызҭаз.

Ҳаҭыр зқәу Дмитри Анатоли-иҧа, гәык-ҧсыкала ишәзеиҕьасшьоит ахирра, агәамч, аихьӡара ҿыцқәа аҭакҧхықәра зцу шәмаҵураҟны».




Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT