Аҧсны Аҳәынҭқарра Ахада

 

Мадуро Ахада дидышшылеит Аҧыза-министр Геннади Гагәылиа иҭахара инамаданы

11.09.2018

Цәыббрамза 11 рзы Боливариантәи Ареспублика Венесуела Ахада Николас Мадуро Аҧсны Ахада Рауль Ҳаџьымба дидышшылеит Аҧыза-министр Гагәылиа Геннади иҭахара инамаданы.

Аацҳамҭаҟны, ҷыдала, иҳәоуп:

«Ҳаҭыр зқәу Ахада!

Боливариантәи Ареспублика Венесуела ажәлари аиҳабыреи рыхьӡала, хаҭала саргьы гәалсрыла сшәыдышшылоит аҧыза-министр, ҳаҭыр зқәу Геннади Гагәылиа асабшаҽны, 2018 шықәса цәыббрамза 8 рзы амҩа-транспорттә хҭыс иҟалаз ашьҭахь иҧсҭазаара иалҵра инамаданы.

Абри алахьеиқәратә хҭыс иҟалаз инадҳәаланы срыдышшыларц сҭахуп аҧсуа жәлар зегьы, ҷыдала, зыҩнаҭаҿы арыцҳара ҟалаз Гагәылиа Ганнади иуацәеи иҭынхацәеи.

Ҳаҭыр зқәу Ахада, ари ашәҟәы ҳтәылақәа рыбжьара аҧхьаҟатәи адипломатиатә еизыҟазаашьақәа рыҿиара иадырганы ишәыдышәкылар сҭахуп. Арыцҳара ҟалеит, аха ҳара аҭынчразы, ахақәиҭра наӡа азы, ақәнагеи аиҟарареи рзы имҩаҧаҳго ақәҧара иацаҳҵароуп».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT