Аҧсны Аҳәынҭқарра Ахада

 

Иналукааша аҳәынҭқарратә усзуҩы, Аҧсны Аҳәынҭқарра Аҧыза-министр Геннади Леонид-иҧа Гагәылиа иҧсыжра аиҿкааразы Аҳәынҭқарратә комиссиа аилатәара

10.09.2018

Цәыббрамза 9 рзы Аҧсны Аҳәынҭқарра Ахада Рауль Ҳаџьымба Аҧсны Аҳәынҭқарра Аҧыза-министр иҧсыжра аиҿкааразы Аҳәынҭқарратә комиссиа аилатәара мҩаҧигеит.

Геннади Гагәылиа аҵыхәтәантәи имҩахь инаскьагаразы аофициалтә церемониа мҩаҧысуеит цәыббрамза 12 рзы асааҭ 11:00 инаркны 14:00 рҟынӡа Гәдоуҭа ақалақь Акультура ахан аҟны.

Ахада идҵала Аҧсны Аҳәынҭқарра Аҧыза-министр Геннади Леонид-иҧа Гагәылиа машәырла иҭахара инамаданы 2018 шықәса цәыббрамза 12 Аҧсны Аҳәынҭқарраҟны лахьеиқәра мышны ирылаҳәоуп.

Ари амш аҽны Аҧсны Аҳәынҭқарра ахьынӡанаӡо зехьынџьара Аҧсны аҳәынҭқарратә бираҟқәа лашьҭхоит. Акультуреи ателерадиоеилахәырақәеи агәырҿыхагатә усмҩаҧгатәқәеи адырраҭарақәеи ааныркылоит алахьеиқәра амш аҽны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT