Аҧсны Аҳәынҭқарра Ахада

 

Дмитри Медведев Ахада дидышшылеит Аҧыза-министр Геннади Гагәылиа машәырла иҭахара инамаданы

09.09.2018

Урыстәылатәи Афедерациа Аиҳабыра Ахантәаҩы Дмитри Медведев Аҧсны Аҳәынҭқарра Ахада Рауль Ҳаџьымба дидышшылеит Аҧыза-министр Геннади Гагәылиа машәырла иҭахара инамаданы  

Аацҳамҭаҟны, ҷыдала, иҳәоуп:

«Ҳаҭыр зқәу Рауль Џьумка-иҧа,

Урыстәылатәи Афедерациа Аиҳабыра ахьӡала, хаҭала сара гәалсра дула сшәыдышшылоит амҩа-транспорттә хҭыс иахҟьаны Геннади Гагәылиа машәырла иҭахара инамаданы.

Иазгәасҭарц сҭахын Урыстәылеи Аҧсни реимадара алзыршо аиҩызаратәи апартниортәи еизыҟазаашьақәа рыҿиараҟны хаҭала Геннади Леонид-иҧа Гагәылиа аҵак ду змаз илагаламҭа. Аиҳабыра хадара азуа, Урыстәылатәи Афедерациеи Аҧсны Аҳәынҭқарреи рыбжьара асоциалтә-економикатә ҿиаразы Аиҳабырабжьаратә комиссиа ацхантәаҩы имаҵураҿы даныҟаз хадаратәла хшыҩзышьҭра риҭон ҩ-ганктәи аусеицуразы иактуалтәу азҵаарақәа, ҩ-ҳәынҭқаррак рыбжьара аинвестициатәи агуманитартәи проектқәа рынагӡара аус.

Ишәыцеиҩаҳшоит ари ацәыӡ иацу агәырҩа. Ҳшәыҳәоит, ҳаҭыр зқәу Рауль Џьумка-иҧа, Геннади Гагәылиа иуацәеи иҭынхцәеи рҟынӡа ҳара ҳҟынтә адышшылара ажәақәа нажәгарц азы».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT