Аҧсны Аҳәынҭқарра Ахада

 

Ахада Ашәарҭадара Ахеилак аилатәара мҩаҧигеит

09.09.2018

Ахада Ашәарҭадара Ахеилак аилатәара мҩаҧигеит

Цәыббрамза 9 рзы Аҧсны Аҳәынҭқарра Ахада Рауль Ҳаџьымба Ашәарҭадара Ахеилак аилатәара мҩаҧигеит Аҧсны Аҳәынҭқарра Аҧыза-министр Геннади Леонид-иҧа Гагәылиа машәырла иҭахара инамаданы.

Ахадеи Ашәарҭадара Ахеилак алахәцәеи Геннади Гагәылиа минуҭктәи аҿымҭрала дыргәаладыршәзеит.

Аҳәынҭқарра Ахада ирылеиҳәеит иналукааша аҳәынҭқарратә усзуҩы, Аҧсны Аҳәынҭқарра Аҧыза-министр Геннади Гагәылиа иҧсыжра аиҿкааразы аҳәынҭқарратә комиссиа шаҧҵоу.

«Атәылаҿы ирылаҳәахоит алахьеиқәра амшқәа. Ҳәынҭқарратә ҳаҭырла имҩахь днаскьаҳгароуп иҭахаз ҳҩыза, зыҧсадгьыл зылшамҭақәа маҷымкәа иаду, Геннади Леонид-иҧа Гагәылиа», - иҳәеит Ахада.

Цәыббрамза 9 рзы имҩаҧысуеит аҳәынҭқарратә комиссиа алахәцәа реилатәара. Ахада напхгара зиҭо аҳәынҭқомиссиа аилазаараҿы иҟоуп:

Кәарҷиа В.Е.- Аҧсны Жәлар Реизара Аиҳабы;

Аршба Д.Д.-Аҧсны Аҳәынҭқарра Аҧыза-министр Актәи Ихаҭыҧуаҩ;

Арсалиаҧҳа Е.А.- Аҧсны Аҳәынҭқарра Акультуреи аҭоурых-культуратә ҭынха ахьчареи рминистр;
Ақаҩба Д.В.- Аҧсны Аҳәынҭқарра Адәныҟатәи аусқәа рминистр.
Ладариа Р.М. - Гәдоуҭа араион Администрациа ахада;
Мерцухәлааҧҳа Т.В. - Аҧсны Аҳәынҭқарра Ахәаахәҭра-ааглыхратә палата Ахада;
Сангәлиа Д.Р. - Аҧсны Аҳәынҭқарра аминистрцәа реилазаара Аппарат анапхгаҩы;
Сангәлиа М.П. - Аҧсны Жәлар Реизара Аиҳабы ихаҭыҧуаҩ;
Цыгәба В.М.- ауаажәларратә усзуҩы;
Шьынқәба А. Е. - Аҧсны Аҳәынҭқарра Абыргцәа рхеилак Ахантәаҩы;
Ҷкотуа Д. А. - Лыхны ақыҭа Администрациа ахада".

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT