Аҧсны Аҳәынҭқарра Ахада

 

Ахада шьамтәылатәи адиаспора ахаҭарнакцәа дырҧылеит

07.09.2018

Ахада шьамтәылатәи адиаспора ахаҭарнакцәа дырҧылеит

Цәыббрамза 7 рзы Аҧсны Аҳәынҭқарра Ахада Рауль Ҳаџьымба шьамтәылатәи адиаспора ахаҭарнакцәа дырҧылеит Дамаск официалтә визитла иҟазараан.

Аҳәынҭқарра Ахада Шьамтәыла иҟоу ҳџынџьуаа аҧсшәа раҳәо дырҧылеит

«Абзиара шәымаз ҳашьцәа, ҳаҳәшьцәа, ҳаиҳабацәа аҧхьа шәнаргыланы!

Салам шәысҭоит Аҧсны жәлар рыхьӡала. Ҳара иаҳбон арҭ амшқәа рзы иҟаз аҭагылазаашьа. Шәара шәыжәлар аӡәк иеиҧш еидгылеит. Иахьа аҳәынҭқарра аргылараҿы шәара шәакзаара иабзоураны алҵшәа бзиақәа шышәҧеиҧшу ҳдыруеит.

Ахадеи ҳареи ҳаиҧылараан ҳаизыҟазаашьақәа рырҿиашьа ҳалацәажәеит, агәрагьы згоит наҟ-ааҟ урҭ рынагӡара нап шаҳаркуа хара имгакәа.

Шьамтәыла ажәлар ракзаара, дарбанзаалак аҳәынҭқарра аргылареи арҕәҕәареи иалархәрала акыраамҭа шәыззыҧшыз алҵшәақәа ҟалоит.

Шьамтәыла адгьыл ҳшьапы анықәҳаргыла нахыс шьамтәыла жәлар гәыблыла ҳрыдыркылеит. Сара агәра згоит ҳаиҩызара акыр шықәсала анҵыра шаиуа», - иҳәеит Ахада.

Шьамтәыла иҟоу Черқьесктәи агәыҳалалратә уаажәларра Ахантәаҩы Ридван Бардоко иазгәеиҭеит Ахада ивизит Шьамтәылазы хҭыс дуны ишыҟоу.

Шьамтәылатәи Ачерқьес гәыҳалалратә еилазаара ахантәаҩы Рыдуан Бардоко иазгәеиҭеит, Ахада иаара- Шьамтәылазы акрызҵазкуа шыхҭысу.

«Шәара арахь шәаара даара ҳаҳаҭыр ҳаранакит, агәахәара ду ҳнаҭеит. Иҭабуп ҳәа шәаҳҳәоит ҳтәылаҟны иҟалаз арыцҳара ашьҭахь Аԥсныҟа ихынҳәуа ауаа рзы иҟашәҵо аморалтә, аматериалтә цхырааразы. Уи иабзоураны уа инхо ҳџьынџьуаа ргәы раҳаҭны иҟоуп»-иҳәеит иара.

Џьансеҭ Казанԥҳа, зыԥсҭазаара иалҵхьоу Уалид Маршьан иԥшәмаԥҳәыс иазгәалҭеит, Шьамтәыла инхо ачерқьес диаспора даара гәахәарыла ишрыдыркылаз Аԥсни Шьамтәылеи ахырхарҭақәа жәпакы рыла ирыбжьарҵаз аизыҟазаашьақәа аҿиара иахьалагаз.

A65A7603.JPG

A65A7657.JPG

A65A7798.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT