Аҧсны Аҳәынҭқарра Ахада

 

Аҧсны Ахадеи Шьамтəыла Жəлар Реизара Аиҳаби реиҧылара мҩаҧысит

06.09.2018

Аҧсны Ахадеи Шьамтəыла Жəлар Реизара Аиҳаби реиҧылара мҩаҧысит

Цəыббрамза 6 рзы Аҧсны Аҳəынҭқарра Ахада Рауль Ҳаџьымбеи Шьамтəылатəи Арабтə Республикаҟны иофициалтəвизит аан Шьамтəыла Жəлар Реизара Аиҳабы Ҳаммуд-ас-Сабаги реиҧылара мҩаҧысит.

Шьамтəыла Жəлар Реизара Аиҳабы Рауль Ҳаџьымба аҧсшəа иеиҳəеит.

„Ҳара ахə ҳаракны иаҳшьоит аҭоурыхтə ҵакы змоу Шьамтəылаҟа шəаара. Ари, ҩ-ҳəынҭқаррак рхьыҧшымра азхаҵаразы иҟаҵоу ашьаҿа иалҵшəоуп, иара убас аҭоурыхтə ҵакгьыы амоуп.

Иахьа адунеи зегьы, ҷыдала, шьамтəылажəлар, Шəара зҿлымҳара ду шәырҭоит. Шьамтəыла Ахада иҧылара аҩ-тəылак рнапхгареи рыжəларқəеи реидгылареи реизыҟазаашьа бзиақəеи аныҧшит.

Сгәы иаанагоит, шəара инҭырҳəыцааны ишыжəдыруа Шьамтəыла иахҭнагаз. Шьамтəыла иаҿагыланы иҟаз ачарҳəарала имҩаҧыргаз аус лҵшəа амоуит, шьамтəылажəлар Шьамтəылатəи ар, зыҧсадгьыл зхы ақәызҵаз зегьы рфырхаҵара, Ҳхада ҟәыҕарыла имҩаҧигаз инапхгара ирыбзоураны. Ҳарҭ иаҳхашҭӡом иара убас ацхыраара ҳазҭаз аиҩызаратə тəылақəа, Урыстəылатəи Афедерациа аҧхьа инаргыланы, хыҧхьаӡара рацəала аҩызцəа, урҭ рхыҧхьаӡараҿы Шəаргьы шəыҟоуп.

Араҟа иҟоуп ҳара ҳҩызцəа, Аҧсны Аиааира амш азгәаҭара иалахəыз. Урҭ Аҧсны ирбаз ираҳаз агәахәара маҷымкәа рнаҭеит. Ҳара есқьынгьы ҳарзыҧшуп ара ҳадгьыл аҿы Аҧснытəи ҳҩызцəа.

Рауль Ҳаџьымба иқəгылараҿы иазгəеиҭеит:

„Ҳара ҳҳəынҭқарразы ари ахҭыс аҵак ду амоуп. Адипломатиатə еизыҟазаашьақəа раҧҵара аиҿцəажəарақəа рыцҵаразы алшара ҳнаҭеит. Шьамтəылатəи Ахада иҧылараан изҵаҩыз Аиқəшаҳаҭра ду, ҳаимадара, ҳусеицура аҵакы ҿыц анаҭоит.

Шьамтəылеи Аҧсни реимадара ижəытəӡатəиу аҭоурх амоуп. Аҧсҭазаара ҧхьаҟа ицоит, аимадара азнеишьа ҿыцқəа аҭахуп.

Шьамтəылатəи адгьыл иқəынхоит ҳашьцəа адыгақəа, аҧсуаа. Ҳара ҳзы даара игəадуроуп урҭ атəыла ахьчараан Шьамтəылатəи анапхгара иахьрывагылаз.

Ҳара гəык-ҧсык ала ҳарзыҟоуп шьамтəылатəи ҳҩызцəа, Аҧсны иаҭааз, ҳтəыла збаз. Агəра згоит, аҧснытәии шьамтəлатәии аколлегацәа гәацҧыҳәарала аусура нап шадыркуа ҳажəларқəа реизҳазыҕьаразы ҳаимадарақәа ҕəҕəазарц азы“.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT