Аҧсны Аҳәынҭқарра Ахада

 

Аҧсны Ахадеи Шьамтәыла Аҧыза-министр Имад Хамиси реиҧылара мҩаҧысит

06.09.2018

Аҧсны Ахадеи Шьамтәыла Аҧыза-министр Имад Хамиси реиҧылара мҩаҧысит

Цәыббрамза 6 рзы Аҧсны Аҳәынҭқарра Ахада Рауль Ҳаџьымбеи Аҧыза-министр Имад Хамиси еиҧылеит Шьамтәылатәи Арабтә Республикаҟны аофициалтә визит аан

Имад Хамис Рауль Ҳаџьымба аҧсшәа иеиҳәеит:

«Бзиала шәаабеит ҳәа шәасҳәоит, ҳара ахә ҳаракны иаҳшьоит Шәара Шьамтәылатәи ажәлар ирышәҭо адгылара. Аҧсны аҳәынҭқарра ҳара зҿлымҳара аҳҭоит, ҳгәы иаанагоит шәареи ҳареи ҳаизыҟазаашьақәа шәтәыла аҿиара иацхраалоит ҳәа. Гәыкала ҳгәыҕуеит шәвизит ҳҳәынҭқаррақәа реизҳазыҕьаразы алҵшәақәа бзиақәа роуеит ҳәа.

Рауль Ҳаџьымба Шьамтәыла Аҧыза-министр иҭабуп ҳәа иеиҳәеит:

«Ари ҳара ҳзы аҵак ду змоу ҭоурыхтә хҭысуп. Аҧсны аофициалтә делегациа раҧхьаӡакәны Шьамтәыла иааит. Ҳара иҳалшо зегьы ҟаҳҵалоит ҳаизыҟазаашьақәа ҿиаларц, ҳажәларқәа рзы ихәарҭаны иҟаларц. Уанӡа ишазгәаҳҭаз еиҧш, Шьамтәылеи Аҧсни рыжәларқәа ҭоурыхла иеидҳәалоуп. Иахьа аамҭақәа аныуадаҩу ҳарҭ ҳаидгылазароуп.

Иахьа ҳнапқәа зҵаҳаҩуа адокументқәа ҳусеицура арҿиаразы уасхырс иазышьҭаҵахоит».

Аиҧылара ахыркәшамҭаз имҩаҧысит Аекономикатә, ахәаахәҭратә, аҵарадырратә, атехникатә, акультуратә усеицура иазку Шьамтәыла-Аҧснытәи Аилак аҧҵаразы Аиқәшаҳаҭра анапаҵаҩра ацеремониа.

Ахәаахәҭреи аекономикатә усеицуреи рхацыркреи ацхыраара рыҭареи ирызку Аиқәшаҳаҭра рнапы аҵарҩит Аҧсны Аҳәынҭқарра Аекономика аминистр Адгәыр Арӡынбеи Шьамтәылатәи Арабтә Республика Аекономикеи ахәаахәҭреи рминистр Муҳаммед Самир Ҳалиль.

Аекономикатә, ахәаахәҭратә, аҵарадырратә, атехникатә, акультуратә усеицура иазку Шьамтәыла-Аҧснытәи Аилак аҧҵаразы Аиқәшаҳаҭра рнапы аҵарҩит Аҧсны Аҳәынҭқарра Адәныҟатәи аусқәа рминистр Даур Ақаҩбеи Шьамтәылатәи Арабтә Республика Ауснагӡатә згәаҭареи жәларбжьаратәи аусеицуреи Рхада Имад Сабуни.

20B06D66-B807-487E-B976-5743352A9281.jpeg

14E92CAB-38E6-48C4-A549-D831783814DB.jpeg

44539194-7ABD-4A0E-84C3-5C19AE136252.jpeg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT