Аҧсны Аҳәынҭқарра Ахада

 

Ахадеи Шьамтәылатәи Арабтә Республикаҟны иҟоу Урыстәылатәи Афедерациа Аҷыдалкаатәи Азинмчызмоуи Ацҳаражәҳәаҩи еиҧылеит

06.09.2018

Ахадеи Шьамтәылатәи Арабтә Республикаҟны иҟоу Урыстәылатәи Афедерациа Аҷыдалкаатәи Азинмчызмоуи Ацҳаражәҳәаҩи еиҧылеит

Аҧсны Аҳәынҭқарра Ахада Рауль Ҳаџьымбеи Шьамтәылатәи Арабтә Республикаҟны иҟоу Урыстәылатәи Афедерациа Аҷыдалкаатәи Азинмчызмоуи Ацҳаражәҳәаҩ Александр Киншьаки еиҧылеит Шьамтәыла официалтә визитла иҟазааран.

Александр Киншьак Ахада идиныҳәалеит Аҧсны Аҳәынҭқарра Урыстәылатәи Афедерациа аганахьала азхаҵара 10 шықәса ахыҵра. Уи иара убас иаҵшьны иҳәеит Рауль Ҳаџьымба иофициалтә визит Аҧсназеиҧш Шьамтәыла азгьы иамоу аҵак ду атәы. Александр Киншьак иара убас иацҵаны иҳәеит Шьамтәылан Аҧсны Ахада иофициалтә визит даара ибзианы ишрыдыркылаз. Иҳәеит Аҧсны Аҳәынҭқарраҟны иколлегацәа аҧхьаҟа иаҧҵахо Аҧсны Ацҳаражәҳәарҭа аусураҟны рыцхраара дшазхиоу.

Аҳәынҭқарра Ахада Александр Киншьак иҭабуп ҳәа иеиҳәеит. Иазгәеиҭеит ари аофициалтә визит ҭоурыхтә хҭысны ишыҟоу. Аҧсни Шьамтәылеи ажәытәӡатәи аҭорыхтә еимадарақәа шрыбжьоу, Шьамтәыла инхо аҧсуа диаспора, рыҧсадгьыл азы имҩаҧырго ақәҧара уҳәа, ҳара зҿлымҳара ду шраҳҭо атәы аҵшьны иҳәеит Рауль Ҳаџьымба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT