Аҧсны Аҳәынҭқарра Ахада

 

Рауль Ҳаџьымбеи Башар Асади реиҧылара

04.09.2018

Рауль Ҳаџьымбеи Башар Асади реиҧылара

Цəыббрамза 4 рзы Аҧсны Аҳəынҭқарра Ахада Рауль Ҳаџьымбеи Шьамтəылатəи Арабтə Республика Ахада Башар Асади реиҧылара мҩаҧысит.
Башар Асад Рауль Ҳаџьымба бзиала уаабеит ҳәа иеиҳәеит.

«Даҽазныкгьы бзиала шәаабеит шәасҳәар сҭахуп ишәыцу шәделегациагьы Шәаргьы. Аделегациа иалахәуп ҳаизыҟазаашьақәа рхацыркразы ауасхыр ҕәҕәа ашьҭаҵара зылшо аҳәынҭқарра аусхкқәа зегьы рхаҭарнакцәа.

Ишәыдаҳныҳәаларц ҳҭахуп Аҧсны ахьыҧшымра жәашықәса ахыҵра. Иара убас иаҳҭахуп ҳаизыҟазаашьақәа ауаажәларратә, аекономикатә, акультуратә аспектқәа рыла игәылырҭәаахар. Ҳара ҳтәылақәа рыҟны инхоит иеиуеиҧшым амилаҭқәа рхаҭарнакцәа. Иара убас Шәара Шьамтәыла иқәынхоит шәдиаспора ахаҭарнакцәа.

Иҳабжьаҳҵараны иҟоу Аиқәшаҳаҭрақәа ҳаизыҟазаашьақәа рзы акрызҵазкуа шьаҿаны иҟалоит. Даҽазныкгьы бзиала шәаабеит ҳәа шәасҳәоит», - иҳәеит, ҷыдала, Башар Асад (ишеиҭагоу ала).

 Рауль Ҳаџьымба Шьамтәыла Ахада иҭабуп ҳәа иеиҳәеит ааҧхьаразы: 

 «Иҭабуп ҳәа шәасҳәоит, ҳаҭыр зқәу Ахада, ҳара ҳзы ари аҭоурыхтә ҟазшьа змоу хҭысуп. Иахьа ара иҟоу Аҧсны аделегациа Шьамтәыла аганахьала адипломатиатә зхаҵара анаҩс иааит. Гәык-ҧсыкала иҭабуп ҳәа шәасҳәар сҭхауп шәколлегацәагьы Шәаргьы иҳашәҭаз ааҧхьаразы, аиҧыларазы.    
 Азхаҵаразы ишәыдышәкылаз аӡбамҭа Шьамтəылатəи Арабтə Республика, Шьамтәыла анапхгара аганахьала агәаҕьра ҕәҕәа зцу, акрызҵазкуа шьаҿоуп. Иахьа, ишазгәаҳҭаз еиҧш, ЕАА Шьамтәыла иаҿагылоуп.

Ҳара ҳаизыҟазаашьақәа ашәышықәсқәа иргәылсны иаауеит. XIX ашәышықәсазы адыгақәеи аҧсуааи рлахьынҵа Шьамтәылаҟа иаанагеит. Ҳара ҳзы акраҵанакуеит урҭ Шәара иахьшәыдгылоу, Шьамтәыла ажәлар закәанла иалырхыз аиҳабыра рыр иахьрывагылоу.

Иахьа ҳнапы зҵаҳаҩраны иҟоу аиҩызареи аусеицуреи рзы Аиқәшаҳаҭра, анаҩс егьырҭ адокументқәагьы наҟ-ааҟ иаҳзыфеидоу аизыҟазаашьақәа рышьақәыргыларазы, ҳусеицура анорматив-зинтә шьаҭа арҕәҕәаразы алшара ҳарҭоит»,- иҳәеит аҳәынҭқарра Ахада.

Аофициалтә визит аҳәаақәа ирҭагӡаны иара убас имҩаҧысит инарҭбааны аҳәынҭқаррақәа рхадацәа реиҧылара. 

A65A9178.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT