Аҧсны Аҳәынҭқарра Ахада

 

Ахада официалтə визитла Шьамтəылатəи Арабтə Республика даҭааит

04.09.2018

Ахада официалтə визитла Шьамтəылатəи Арабтə Республика даҭааит

Цəыббрамза 4 рзы Аҧсны Аҳəынҭқарра Ахада Рауль Ҳаџьымба официалтə визитла Шьамтəылатəи Арабтə Республика даҭааит.

Аҳəынҭқарра Ахада Шьамтəылатəи аҳаиртə баҕəазаҿы диҧылеит Адəныҟатəи аусқəа рминистр Уалид аль-Муаллем.

Аиҿцəажəарақəа рҳəаақəа ирҭагӡаны Аҧсны Аҳəынҭқарра Ахадеи Шьамтəылатəи Арабтə Республика Ахада Башар Асади ҩ-ганктəи аусеицурақəа, иара убас аҧсны-шьамтəылатəи аизыҟазаашьақəа рыҿиара азҵаарқәа ирылацәажәараны иҟоуп.

Аҧсны Аҳəынҭқарра Ахада напхгара ззиуа аделегациа аилазаараҿы иҟоуп: Аҧыза-министр Геннади Гагəылиа, Ахада Иусбарҭа анапхгаҩы Беслан Барцыц, Ашəарҭадара Ахеилак амаӡаныҟəгаҩ Муҳаммед Кьылба, Адəныҟатəи аусқəа рминистр Даур Ақаҩба, Атəылахьчара аминистр Мираб Қьышьмариа, Аекономика аминистр Адгəыр Арӡынба.

Аиҿцəажəарақəа рхыркəшамҭаз иазгəаҭоуп Аҧсны Аҳəынҭқарреи Шьамтəылатəи Арабтə Республикеи рыбжьара аиҩызареи аусеицуреи рзы Аиқəшаҳаҭра анапаҵаҩра, аекономикеи, ахəаахəҭреи, аҭҵаарадырреи, атехникатəи, акультуратəи усеицуразы Шьамтəылеи Аҧсни еицырзеиҧшу Аилак аҧҵаразы аиҳабырабжьаратə Еиқəшаҳаҭра, иара убас ахəаахəҭреи аекономикатə усеицзуреи усхк ацхыраареи рҳəаақəҵареи рзы аиҳабырабжьаратə Еиқəшаҳаҭрақәа рыҵаҩра.

A65A8450.JPG

2222.jpg

86889E15-4D4C-4D04-ADD5-C131771F493E.jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT