Аҧсны Аҳәынҭқарра Ахада

 

Никарагуа Ареспублика ҳтәыла Ахьыҧшымра азханаҵеижьҭеи жәашықәса аҵра инамаданы Никарагуа Ахада Даниель Ортего ишҟа ааҧхьара

01.09.2018

Цәыббрамза 1 азы Аҧсны Аҳәынҭқарра Ахада Рауль Ҳаџьымба Никарагуа Ареспублика  ҳтәыла  Ахьыҧшымра азханаҵеижьҭеи жәашықәса аҵра инамаданы Никарагуа Ахада Даниель Ортего ааҧхьара изишьҭит.

Ааҧхьараҿы, ҷыдала, иҳәоуп:

"Азин сышәҭозар, салам шәысҭоит Никарагуа Ареспублика Аҧсны Ахьыҧшымреи аҳәынҭқарратә суверенитети азханаҵеижьҭеи жәашықәса аҵра инамаданы.

Аҧсны анапхгареи ауаажәларреи ахә ҳаракны иршьоит, гәыблылагьы иргәаладыршәоит Аҧсны Аҳәынҭқарра Ахьыҧшымра азхаҵаразы ишәыдышәкылаз аӡбамҭа. Еиуеиҧшым ахырхарҭақәа рыла Ҳҳәынҭқаррақәа ирыбжьоу аиҩызареи аусеицуреи қәҿиарала аҿиара иаҿуп, аҧхьаҟагьы ҳамч-ҳалша зегьы адаҳҵоит аҧсны-никарагуатә еизыҟазаашьақәа хаҭабзиарала иҿыцу  аҩаӡарахь анагаразы.
Сара агәра згоит, иҳабжьоу аиқәшаҳаҭрақәа Аҧсны Аҳәынҭқарреи Никарагәуа Ареспубликеи рыжәларқәа реизҳазыҕьара иазку ҳусеицуразы уасхыр бзианы ишыҟоу.
Аҭагылазаашьа схы иархәаны, ҳаҭыр зқәу Ахада, ишәзеиӷьасшьарц сҭахуп агәабзиара, агәамч, шәнапы злаку аҳәынҭқарратә маҵзураҿы аихьӡарақәа, Никарагуа иқәынхо  ажәлар зегьы - аҭынчра, ахирра, аизҳазыӷьара".



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT