Аҧсны Аҳәынҭқарра Ахада

 

Аҧсны Ахада Адырра амш азы адныҳәалара ҟаиҵеит

01.09.2018

Цәыббрамза 1 азы Аҧсны Аҳәынҭқарра Ахада Рауль Ҳаџьымба аҵаҩцәеи арҵаҩцәеи Адырра амш рыдиныҳәалеит.

Адныҳәалараҿы, ҷыдала иҳәоуп:

"Акыр иаҧсоу арҵаҩцәа, ашколхәыҷқәа, астудентцәа, аҭаацәа!
Гәык-ҧсыкала ишәыдысныҳәалоит иахьатәи аныҳәа ссир - Адырра амш.

Ҭагалантәи ари амш азы ашколтә классқәеи, астудентцәа раудиториақәеи рҿы аҧсҭазаара еилашуеит. Иахьа актәи акласс ахь ицо аҵаҩцәа рырҵаҩцәа ҿыцқәеи, адырра адунеихь иназго амҩа хара ирыцанысуа рҩызцәеи дареи еибадыруеит.
Ашколтә шықәсқәа рзоуп ауаҩы иинтеллектуалтә лшара ашьаҭа анакуа, игәырҵҟәыли ибаҩхатәреи анцәырҵуа. Цәыббрамза 1- аҵаҩцәа рзеиҧш, арҵаҩцәа рызгьы гәырӷьаратә мшуп. Иахьа ахәыҷқәа аус рыдулара зыҧсҭазаара ҵакыс иаиуз ҳара ҳарҵаҩцәа ирыдыркылоит адныҳәаларақәа,
Имариам, аҭакҧхықәра зцу арҵаҩцәа рус аҿы гәык-ҧсык ала ирзеиӷьасшьар сҭахуп аихьӡарақәа, аҵаҩцәа рыбзиабареи, раҳаҭырқәҵареи. Агәра рсыргарцгьы сҭахуп, атәыла анапхгара арҵаҩы изаанаҭ аҳаҭыр ашьҭыхразы, арҵаҩы иусураҿы аҭагылазаашьа аиӷьтәразыирылшо зегьы шыҟарҵало аринахысгьы.
Ишәзеиӷьасшьоит агәабзиара, агәамч, аҵарашықәс ҿыц аҟны аихьӡарақәа!"
--



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT