Аҧсны Аҳәынҭқарра Ахада

 

Бако Саакиан идныҳәалара

31.08.2018

 Нанҳəамза 30 рзы Аҧсны Аҳəынҭқарра Ахада Рауль Ҳаџьымба Арцах Ареспублика Ахада Бако Саакиан Иира мшы идиныҳәалеит.

 Адныҳәалараҟны, ҷыдала, иҳәоуп:

"Шәымш ира инамаданы ишәыдышәкыл гәык-ҧсык ала адныҳәалара!

Шәыпрофессионалтә ҩаӡара ҳаракы, ибеиоу шәыҧсҭазааратә ҧышәа, шәыҧсадгьыл аҿаҧхьа шәуалҧшьа ҳаракы анагӡашьа шәыуаажәлар ҳаҭырла иазнеиуеит. Еиуеиҧшым аҳәынҭқарратә маҵзурақәа рҿы Шәара есқьынгьы шәнапы ианыз аус ҭакҧхықәра ҳаракыла шәазнеиуан, хымҧада, уи алҵшәа бзиа аанашьҭуан. Иахьа, Арцах Ареспублика Ахада имаҵзураҿгьы  шәымч-шәылша зегьы  шәыуаажәлар рҭагылазаашьа аиӷьтәра иазкуп.  

Сара агәра згоит, ҳреспубликақәа ирыбжьоу аиашьаратә еизыҟазаашьақәа ҳажәлар реизҳазыҕьара ахьӡала аҧхьаҟагьы қәҿиарала аҿиара шроуа, ишыҕәҕәахо.      

Аҭагылазаашьа схы иархәаны, ҳаҭыр зқәу Бако Саак-иҧа, ишәзеиҕьасшьоит агәабзиара, ахирра, аихьӡарақәа шәнапы злаку аҳәынҭқарратә маҵзураҟны, Арцах ажәлар зегьы ирыгымзааит аҭынчреи аизҳазыҕьареи».



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT