Аҧсны Аҳәынҭқарра Ахада

 

Рустам Минниханов идныҳәалара

30.08.2018

 Нанҳəамза 30 рзы Аҧсны Аҳəынҭқарра Ахада Рауль Ҳаџьымба Ҭаҭарсҭан Ареспублика Ахада Рустам Минниханов дидныҳәалеит.

Адныҳәалараҟны, ҷыдала, иҳәоуп: 

«Ҭаҭарсҭан ажәлар зегьы нашәыдкыланы ишәыдысныҳәалоит аҳәынҭқарратә ныҳәа – Ареспублика амш! 

Ари амш Ҭаҭарсҭан ахьӡ ҭызгаз аихьӡара дуқәа символра азнауеит. Иахьа Ҭаҭарсҭан иналукааша арегионқәа ируакуп - уи иамоу арбагақәа жәпакы рыла Урыстәылатәи Афедерациаҟны аҧхьагылара змоу республикоуп. 

Аҧсны жәлар азҿлымҳауп ҳреспубликақәа ганрацәалатәи русеицура. Ҳажәлар ирхашҭӡом Ҭаҭарсҭан Актәи Ахада Минтимер Шарипов-иҧа Шаимиев инапхгарала шәыжәлар аибашьра ашьҭахьтәи ашықәс хьанҭақәа раан иҟарҵаз ацхыраара, иҭабуп ҳәа раҳҳәар ҳҭахуп ари адгыларазы.

Рустам Нургали-иҧа, Шәаргьы, ишәзааигәоу шәҭынхацәагьы, Ҭаҭарсҭан ажәларгьы ирзеиҕьасшьар сҭахуп аҭынчра, аизҳазыҕьара, ахирра».

 



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT