Аҧсны Аҳәынҭқарра Ахада

 

Ахада Леонид Калашников дидикылеит

26.08.2018

Ахада Леонид Калашников дидикылеит

Нанҳәамза 26 рзы Аҧсны Аҳәынҭқарра Ахада Рауль Ҳаџьымба Ихьыҧшым Аҳәынҭқкаррақәа Реиҩызара аусқәа рзы, евразиатәи аинтеграциеи, аџьынџьуаа реимадарақәа рзы Аҳәынҭқарратә Дума Аилак Ахантәаҩы Леонид Калашников дидикылеит.

Ахада Леонид Калашников аҧсшәа иеиҳәеит.

«Ҳаигәырҕьоит абри амш аҽны ара шәыҟазаара. Изныкымкәа иҳаҳахьеит ателехәаҧшратә ефирқәа рыҟны Шәара шәыбжьы ҭыганы Аҧсны аӡбахә анышәҳәо, шәазыҟазаашьа анаашәырҧшуа. Ҳара ҳрызгәдууп Шәара шәеиҧш иҟоу аҩызцәа.

Аҧсны шьақәгыларц азы Урыстәыла иҟанаҵахьо маҷӡам. Жәашықәса рыла 40 миллиард инареиҳаны афинанстә цхыраара иҳауз ҳекономикеи ҳбиуџьеттә усхки рыҿиаразы алшара ҳнаҭоит. Зегь раасҭа ихадароуп ашәарҭадара азҵаара. Аҧсны урыстәылатәи арратә базеи аҳәаахьчаратә архәҭақәеи рыҟазаара иабзоуроуп ҧасатәи ашықәсқәа раан еиҧш, ҳамчқәеи ҳалшарақәеи Гал араион аҟны рхархәара аҭахны иахьыҟамлаз.

Иҭабуп ҳәа шәаҳҳәоит Аҧсны шәазыҟазаашьазы, иаартны уи ахьышәҳәо азы», - иҳәеит Ахада.

Леонид Калашников аҭак ҟаҵо, иҳәеит Аҧсны Аҳәынҭқарра ахьыҧшымра азықәҧаразы ҿырҧшыга бзианы ишыҟоу.

12.jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT