Аҧсны Аҳәынҭқарра Ахада

Нанҳәамза 26 рзы Аҧсны Аҳәынҭқарра  Ахада  Рауль Ҳаџьымба Урыстәылатәи Афедерациа Аҳәынҭқарратә Дума актәи, аҩбатәи, аҧшьбатәи ааҧхьара адепутат Сергеи Бабурин дидикылеит.  

Ахада аҧсшәа иеиҳәеит.

«Шәбара ҳаигәырҕьоит акрызҵазкуа абри амш аҽны – ари хҭыс дуӡӡоуп ҳажәлар рзы, ҳҳәынҭқарразы.

Шәара иҟашәҵаз маҷӡам Аҧсны аамҭа хьанҭақәа инарыҭагылаз, Аҧсны ҭынч анхара, аҿиара анаҭахыз. Иҭабуп ҳәа шәаҳҳәоит есқьынгьы адгылара иҳашәҭо азы. Ҳара ҳзы гәадуроуп ас еиҧш аҩызцәа ахьҳамоу», - иҳәеит, лымкаала, аҳәынҭқарра Ахада.

Сергеи Бабурин Ахада иҭабуп ҳәа иеиҳәеит.

«Гәахәара
дула ишәыдысныҳәалоит Шәаргьы шәыуаажәларгьы адипломатиатә зхаҵара жәашықәса
ахыҵра. Аҧсны ари ахҭыс ахь иназгоз амҩа уадаҩын, Аҧсны адунеи аныхра
зҽазызшәаз агрессор иҿагыланы аибашьраҿы аиааира ганы. Ари сара сзы
агәымшәареи, адунеи зегьы ахы ацәыхьчара рзы ҿырҧшыга бзиоуп", - иҳәеит
Сергеи Бабурин.