Аҧсны Аҳәынҭқарра Ахада

 

Ахада Урыстәылатәи Афедерациа Аҳәынҭқарратә Дума Ахантәаҩы ихаҭыҧуаҩ Ольга Тимофеева дидикылеит

26.08.2018

Ахада Урыстәылатәи Афедерациа Аҳәынҭқарратә Дума Ахантәаҩы ихаҭыҧуаҩ Ольга Тимофеева дидикылеит


Нанҳәамза 26 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Аҳәынҭқарратә Дума Ахантәаҩы ихаҭыҧуаҩ Ольга Тимофеева дидикылеит.

Ахада Ольга Тимофеева аҧсшәа леиҳәеит.

«Шәбара ҳаигәырҕьоит ҳажәлар шәышықәсала иззыҧшыз ргәыҕрақәа анынаӡаз амш аҽны. Ҳҳәынҭқарра ахьыҧшымра азхаҵара ҟалеит ҷыдала Урыстәылатәи Афедерациа аганахьала. Хымҧада, ҳара ҳзы акраҵанакуеит арҭ аизыҟазаашьақәа реиқәырхара, реиҳахара, изҵаҩу аиқәшаҳаҭрақәа инарықәыршәаны аҿиара рыҭара.

Иахьа иазгәаҳҭахьеит, иаҧҵахоит иаку атәылахьчаратә цәаҳәа. Иҟоуп аҭагылазаашьа Аҧсны иҟоу урыстәылатәи архәҭақәа рыцхыраарала Аҧсны аҳәаақәа рыҟны аҭагылазаашьа аиҕьтәразы.

Иахьа рыӡбара мҩаҧысуеит Урыстәыла иҟанаҵо афинанстә цхыраара иабзоураны асоциалтә-економикатә ҳасабтәқәа. Жәашықәса рыла иҟаҵоу ацхыраара 40 миллиард мааҭ иреиҳауп. Аҧсны аҿиара мҩаҧысуеит, ахаҿра аҽеиҭанакит. Ҳәарада, ана-ара макьана 1992-1993 шықәсазтәи аибашьра ахҟьа-ҧҟьақәа аныҧшуеит.

Аха ҳара агәра ҳгоит ҳҳәынҭқарра аҿаҧхьа иқәгылоу ахықәкқәа рынагӡара шҳалшо, Урыстәылеи Аҧсни реизыҟазаашьақәа еиҧҟьарада ишыҿиало», - иҳәеит Ахада.

Ольга Тимофеева Аҳәынҭқарратә Дума Ахантәаҩы иҟнытә адныҳәалара ҟалҵеит.

«Жәашықәса ҵит ахьыҧшымра азхаҵара анрылаҳәаз аахыс Урыстәыла анапхгараҟнытә – ари арыцхә ҳара ҳазгьы акраҵанакуеит. Иааҳакәыршаны аҭагылазаашьа есааира ианыуадаҩхо аамҭазы шәареи ҳареи ҳаилибакаара акраҵанакуеит. Лассы арыцхә дуӡӡа, ахьыҧшымра 25 шықәсахыҵра азгәашәҭараны шәыҟоуп. Иахьа сколлегацәа срацәажәон, избеит ареспубликаҟны иҟоу аҭагылазаашьа. Иеилкаауп, макьана апроблемақәа рацәоуп. Анцәа иҳәааит абри арыцхә - 25 шықәса рыҩныҵҟа шшәышьақәгылаз аныҧшуа. Ишәзеиҕьасшьоит аҭынчра, ари зегь раасҭа ихадароу ауп», - лҳәеит Ольга Тимофеева.

1.jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT