Владимир Путин Рауль Ҳаџьымба Аҧсны Аҳәынҭқарра 10 шықәса ахыҵра амш идиныҳәалеит

Нанҳәамза 26 рзы Урыстәылатәи Афедерациа Ахада Владимир Путин Аҧсны Аҳәынҭқарра Ахада Рауль Ҳаџьымба идиныҳәалеит Аҧсны Аҳәынҭқарра 10 шықәса ахыҵра амш.

Адныҳәаларатә аацҳамҭаҟны, ҷыдала, иҳәоуп:

«Урыстәыла аганахьала ихьыҧшым шәҳәынҭқарра азхаҵара 10 шықәса ахыҵра аҽны гәыблыла салами иреиҕьу азеиҕьашьарақәеи шәзынасҭир сҭахуп.
Ииасыз жәашықәса рыҩныҵҟа Аҧсны аҳәынҭқарра ргылара амҩа ду ианысит. Акыр еихьӡара алыршоуп ареспубликаҟны асоциалтә-економикатә ҿиара аус аҿы.

Еиҭа ишьақәсырҕәҕәар сҭахуп Урыстәылатәи Афедерациа аҧхьаҟагьы ганрацәала Аҧсны аиҳабыреи ажәлари ацхыраара шрынаҭало аҳәынҭқарра аргылара иазку аҳасабтәқәа рыӡбараҿы, иара убас амилаҭтә шәарҭадара аиқәырхараҿы.
 
Ҳаҭыр зқәу Рауль Џьумка-иҧа, гәыкала ишәзеиҕьасшьоит агәабзиара, агәамч, шәтәылауаа ирыгымзааит аҭынчра, аизҳазыҕьара, аҿиара».




Возврат к списку