26.08.2018
Нанҳәамза 26 рзы Аҧсны Аҳәынҭқарра Ахада Рауль Ҳаџьымба Аҧсны Аҳәынҭқарра Жәларбжьаратәи Ахьыҧшымра азхаҵара идиныҳәалеит Ареспублика Арцах Ахада Бако Саакиан.
Адныҳәаларатә аацҳамҭаҿы, ҷыдала, иҳәоуп:
" Ареспублика Арцах аиҳабыра, ажәлар рыхьӡала, хаҭала сара сҟынтә Аҧсны Аҳәынҭқарра иқәынхо аиашьаратә жәларгьы Шәаргьы ишәыдысныҳәалоит акрызҵазкуа ахҭыс - Аҧсны Аҳәынҭқарра Ахьыҧшымра азхаҵара амш.
2008 шықәса нанҳәамза 26 рзы атәыла жәларбжьаратәи азхаҵара ауасхыр азышьҭаҵан. Ари Аҧсны жәлар ахақәиҭреи ихьыҧшымкәа аҿиареи рзықәҧареи ҭынч анхаразы рзини шьақәзырҕәҕәаз даҟьа ҿыцны ианылеит Аҧсны Аҳәыҭқарра аҭоурых.
Иахьа Аҧсны аҿиара амҩа иану, аҧеиҧш бзиа агәра зго, зхьыҧшымра шьақәырҕәҕәо иааиуа тәылоуп. Ҳара гәык-ҧсыкала шәеихьӡарақәа ҳреигәырҕьоит.
Даҽазныкгьы гәыкала ишәыдысныҳәалоит Шәаргьы Аҧсны жәларгьы акрызҵазкуа ари аныҳәа ду!
Аҭынчра, аизҳазыҕьара, ахирра, аихьӡарақәа ҿыцқәа азеиҕьасшьоит ҳаиашьаратә ҳәынҭқарра Аҧсны".
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбареи ҳтәыла ауааҧсыреи адунеи зегьы аҟни ари аҧшӡара аҭҵааразы агәаҳәара рызцәыргареи”.
