Аҧсны Аҳәынҭқарра Ахада

 

Жәларбжьаратәи Ачерқьестә Ассоциациа ахаҭарнакцәа Рауль Ҳаџьымба Аҧсны Аҳәынҭқарра жәларбжьаратәи азхаҵара 10 шықәса ахыҵра идырныҳәалеит.

26.08.2018

Нанҳәамза 26 рзы Жәларбжьаратәи Ачерқьестә Ассоциациа ахаҭарнакцәа Аҧсны Аҳәынҭқарра Ахада Рауль Ҳаџьымба Аҧсны Ахьыҧшымра Жәларбжьаратәи азхаҵара жәашықәса ахыҵра идырныҳәалеит.

Адныҳәалараҿы, ҷыдала, иҳәоуп:

  "Жәларбжьаратәи Ачерқьестә Ассоциациа ахьӡала гәык-ҧсык ала ишәыдаҳныҳәалоит Урыстәылатәи Афедерациа аганахьала Аҧсны Ахьыҧшымра азхаҵара жәашықәса ахыҵра.
Абри аамҭа кьаҿ иалагӡаны Аҧсны Аҳәынҭқарра аргылара аус аҿы  акры алнаршеит, адемократиатә институтқәа рырӷәӷәара, акультура арҿиара, амилаҭбжьаратә еизыҟазаашьақәа рышьақәыргылара, Аҧсни Жәларбжьаратәи ачерқьестә дунеи реимадара уҳәа.
Ас еиҧш иҟоу амш гәырӷьахә азы аҧсуа жәлар шәахь аиашьареи адыга жәлар раҳаҭыри  (ачерқьесқәа)  шәзынаҳҭиуеит. Иҟазааит аҭынчреи  аизҳазыӷьареи шәҳәынҭқарраҿы, ҩнаҭацыҧхьаӡа - аҳәоуеиқәшәареи ахирреи.
Агәра ҳгоит, ҳаиашьаратә жәларқәа реимадара ҩаҧхьа еиҳагьы рыҽшдырӷәӷәо, рыҽшдырҭбаауа".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT