Аҧсны Аҳәынҭқарра Ахада

 

Аҧсны Аҳәынҭқарра Ахада Урыстәылатәи Афедерациаҟны иусуратә визит хыркәшоуп

25.08.2018

Нанҳәамза 25 рзы Аҧсны Аҳәынҭқарра Ахада Урыстәылатәи Афедерациаҿы иусуратә визит хыркәшаны Аҧсныҟа дхынҳәит.

Нанҳәамза 24 рзы имҩаҧысит Рауль Ҳаџьымбеи Владимир Путини злахәыз  инарҭбааз аиҿцәажәара. Аҧсны Аҳәынҭқарра аганахьала аиҧылара иалахәын Аҧыза-министр Геннади Гагәылиа, Ахада Иусбарҭа анапхгаҩы Беслан Барцыц, афинансқәа рминистр Џьансыхә Нанба. Урыстәылатәи Афедерациа аганахьала аиҿцәажәарақәа ирылахәын Аиҳабыра  реилазаара ахантәаҩы ихаҭыҧуаҩ Витали Мутко, Ахада Иусбарҭа анапхгаҩы ихаҭыҧуаҩ, апресс-маӡаныҟәгаҩ Дмитри Песков, Ахада Ицхырааҩ Владислав Сурков, Нхыҵ-Кавказтәи аусқәа рзы аминистр Сергеи Чеботариов, Адәныҟатәи аусқәа рминистр ихаҭыҧуаҩ Игор Моргулов, Афинансқәа рминистр ихаҭыҧуаҩ Леонид Горнин, Ашәарҭадара Ахеилак Амаӡаныҟәгаҩ ихаҭыҧуаҩ Рашид Нургалиев.
Аиҿцәажәарақәа рҿы аганқәа рылацәажәеит асоциал-економикатә усеицура, ашәарҭадареи атәылахьчареи, иара убас адәныҟатәи аполитика усура иазкыз азҵаарақәа жәпакы.
Аусуратә визит аҳәаақәа ирҭагӡаны имҩаҧысит х-ганктәи аиҧылара, Аҧсны Аҳәынҭқарра Ахада Рауль Ҳаџьымбеи, Урыстәылатәи Афедерациа Ахада Владимир Путини, Алада-Уаҧстәыла Ахада Анатоли Бибилови злахәыз.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT