Аҧсны Аҳәынҭқарра Ахада

 

Ахада Аҧсны иқәынхо аҧсылманцәа Курбан-баирам рыдиныҳәалеит  

21.08.2018

Нанҳәамза 21 рзы Аҧсны Аҳәынҭқарра Ахада Рауль Ҳаџьымба Аҧсны иқәынхо аҧсылманцәа Курбан-баирам рыдиныҳәалеит. 
  
***
Акыр иаҧсоу ҳџьынџьуаа!

Аҧсны иқәынхо аҧсылманцәа зегьы ишәыдысныҳәалоит аҧсылман мзар аҿы аныҳәа хадақәа ируаку- Курбан - баирам.

Аныҳәа ҧшьа Курбан-баирам - аҳалалреи агәыӷреи ирсимволу, ауаа еизааигәазтәуа, аҧслыманра аҵас бзиақәа  ирыдзыҧхьало,  рабацәа иныҟәыргоз, ижәытәӡатәу рҭоурых ҳаҭырқәҵарала иазхьазырҧшуа ныҳәоуп. 

Аҧсны иҟоу аҧсылмантә уаажәларра ҳтәыла аҧсҭазаара активла иалахәуп, ажәларқәа реиҩызара  арӷәӷәараҿы, амилаҭбжьаратәи аконфессиабжьаратәи ҳәоуеиқәшәараҿы рлагаламҭа дууп, аҭаацәаратә ҵас бзиақәа реиқәырхареи абиҧара ҿыцқәа рдоуҳатә-леишәатә ааӡареи зҿлымҳара анаҭоит.

Гәык-ҧсыкала абри аныҳәа аҽны зегьы ишәзеиӷьасшьоит агәабзиара, аҭынчра, аизҳазыӷьара, шәнапы злашәкуа аусқәа зегьы рҿы аихьӡарақәа!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT