Аҧсны Аҳәынҭқарра Ахада

 

Аҧсны Ахадеи Урыстәылатәи Афедерациа Ашәарҭадара Ахеилак Амаӡаныҟәгаҩ ихаҭыҧуаҩи реиҧылара

20.08.2018

Аҧсны Ахадеи  Урыстәылатәи Афедерациа Ашәарҭадара Ахеилак Амаӡаныҟәгаҩ ихаҭыҧуаҩи реиҧылара

Нанҳәамза 20 рзы Аҧсны Аҳәынҭқарра Ахада Рауль Ҳаџьымбеи Урыстәылатәи Афедерациа Ашәарҭадара Ахеилак Амаӡаныҟәгаҩ ихаҭыҧуаҩ Рашид Нургалиеви реиҧылара мҩаҧысит.

«Аҧсни Урыстәылеи аусхкқәа жәпакы рыҟны, ашәарҭадара, аекономика азҵаарақәагьы налаҵаны, русеицура есааира иазҳауеит. Иазгәаумҭар залшом, Егры аӡиас ала аҳәынҭқарратә ҳәааҟны аҭагылазаашьа аҽшаҧсахыз акырӡа. Сгәы иаанагоит, амҩа иаша ҳануп ҳәа», - азгәеиҭеит, ҷыдала, аҳәынҭкарра Ахада.
Рашид Нургалиев иҳәеит имҩаҧысуа астратегиатә усеицура аҩ-ҳәынҭқаррак рыҿиара хықәкыс ишамоу, иара убас Ахада идиныҳәалеит иааигәахаз Аҧсны Аҳәынҭқарра жәларбжьаратәи азхаҵара Амш.

"Аекономика, ашәарҭадара, агәыҳалалратә ҳәаа - абарҭқәа зегьы даҽазныкгьы ишьақәдырӷәӷәоит ҳара ҳтәылақәа шаҟа еизааигәоу. Амза 26 - акрызҵазкуа рыцхәуп, ныҳәа дууп. Сара исҭахуп шәыуаажәлари Шәареи ари аныҳәа шәыдысныҳәаларц, агәабзиара, аманшәалара шәзеиӷьасшьарц, аиҩызаратә еимадара шәымазарц"- иҳәеит Рашид Нургалиев.
Аиҧылара иара убас иалахәын Аҧсны Аҳәынҭқарра Ашәарҭадаратә маҵзура амаӡаныҟәгаҩ Муҳаммед  Кьылба, Аҧсны Аҳәынҭқарраҟны иҟоу Урыстәылатәи Афедерациа Аҷыдалкаатәи Азинмчызмоуи Ацҳаражәҳәаҩ Алексеи Двинианин.

Нанҳәамза 20 рзы Аҧсныҟа усуратә визитла дааит  Урыстәылатәи Афедерациа Ашәарҭадара Ахеилак Амаӡаныҟәгаҩ ихаҭыҧуаҩ Рашид Нургалиев.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT